මාළු කූරි.. බතට එන්නෙ කොහොමද අප්පච්චි

පුතා:
මුහුද මැද්දෙ ඉන්නවාය ......කියලා කියවෙච්චි
මාළු කූරි.. බතට එන්නෙ කොහොමද අප්පච්චි
පියා:
මුහුදෙ ඉඳං අපේ අහට ඇවිදිං කර ....වෙච්චි
පුතේ ඒක දුර ගමනක් කාටත් ....නොදැනිච්චි

පියා:
මුහුද පුරා පීන පීන එක එක යස ................මාළු
දැල් දාලා කොකු දාලා අල්ලගන්න..............මාළු
පුතා:
අඬනවාද දන්නෙත් නෑ මූදෙ වැටුණු............මාළු
ගොඩ ගත්තේ ආදරේට නොවෙයිද ගැන ....මාළු

පියා:
අපි ගොඩ ඉන්නවා වගෙයි උන් මුහුදේ .........ඉන්නේ
ආදරේට නොවෙයි පුතේ මාළුවො ...........අල්ලන්නේ
පුතා:
යස අපූරුවට නොවෙයිද අපි ගොඩබිම .........ඉන්නේ
ගොඩට ආපු නිසා මොකද මාළුවො මිය ........යන්නේ

පියා:
වතුරට වැටුණොත් තේරෙයි කොහොම හුස්ම ගන්නේ
ගොඩ ආවම මාළුන්ටත් ඒක තමයි .............වෙන්නේ
පුතා:
දැන දැන උන් මිය යන බව ඇයිද ගොඩට ගන්නේ
ඉතිං ඊට පස්සෙ අනේ උන්ට මොකද ...වෙන්නේ

පියා:
මැරුණම උන් බෝට්ටුවෙන් වෙරළට ගෙන එනවා
වෙරළෙ ඉන්න වෙළෙන්දන්ට ඉන්පසු ..විකුණනවා
පුතා:
මැරුණු කෙනෙක් එක්කො වළට නැත්නම් පුච්චනවා
වෙළෙන්දො මහ පුදුම අයනෙ මැරුණු සතුන් කනවා

පියා:
එපා පුතේ එක පාරට ඒ තේරුම ...........ගන්න
වෙළෙන්දො ඒවා ගේන්නෙ අප හට විකුණන්න
පුතා:
මහ ලොකුවට රසයි කියල අප හට ....ගිල්ලන්න
මැරුණු සත්තු ඇයි ගෙනාවෙ යමු යමු වළලන්න