ජල - සසර

ඇලෙන් දොළෙන් ගඟට ගියා
ඟඟ නොබියව මූදු .........ගියා
මුහුදෙන් අහසටත් .........ගියා
පුදුමයි කන්දටත් ...........ගියා

කන්දෙන් ආ ජල ........බින්දූ
පොළොවෙහි සිසිලත් රැන්දූ
සිඳු කුස දඟ කළ .........ලන්දූ
එකමැයි නොසිතනු .....ඉන්දූ

මොහොතින් මොහොතට සැකසේ
තරමත් නොදනියි .........වෙහෙසේ
හරවත් යමකුත් .................රහසේ
ලොවටත් පුදමින් ............සැනසේ

හේතුව ඵල විලස ...................සැදී
ආ ගිය හැම තැනදි .................බැඳී
වෑහෙන පෙම ලොවට .............දිදී
ජීවය මුසු කරන ......................ලදී

කොහෙන්ද මේ තරම් වතුර
උල්පතකින් ඇදෙයි ..නිතර
කිසිදා නොම වේ ද ....නතර
සසර ඔහොම තමයි ...මිතුර