පුළුවන්නම් බැණපල්ලා

            

ආදර කකුළුවනි මේ ටික	අහපල්ලා
යා හැකි දුරක් ඇද නැතිවම	පලයල්ලා
ආරය වෙනස් විය හැකි බව	පවසල්ලා
තේරුණෙ නැතොත් කට වහගෙන	හිටපල්ලා
රස කොට දෙසුව බණ පදයක්	අහපල්ලා
අහලා බණේ දෙකණින් පිට	කරපල්ලා
බලපිය රටට යන කල එය	රැකපල්ලා
රජෙකුට යටහත්ව සදහට	ඉඳපල්ලා
මිටි තැන මුව හමක් ගෙන තඩි	බාපල්ලා
උස් තැන් ළඟ දි මුව ගල් වල	උලපල්ලා
කපුවා යවන පඩ සුවඳයි	සිතපල්ලා
දෙයියන් බුදුන් සිහිකොට දැන්	දුවපල්ලා