සහන් එළි සෙවිමි ඇගෙ නෙතු උයන් මැද..

ඔබ දිය බිඳයි හමු වුණ නිරුදක .........කතර
ඇය මහ සයුර හදවත මගෙ කළ .......නතර
නොසොයමි පැණි බිඳක් නිල මැස්සන් අතර
පෙම මගෙ තරු බඳුය දිලි අතරින්....... පතර

හිරු නැඟ සැඟව ඇත තුළ රුදු අඳුරු ....වළා
එළියද විටෙක දෙයි සිටි මුත් නිසල ...වෙලා
ඔබ ගැන මතක මගෙ හද කම්පනය ....කළා
ඇය නිවැරදියි ගිය එක නිසි සෙවණ ....බලා

වහන් කරන් නුඹ මට දුන් සෙනෙහෙ ...කඳ
සහන් එළි සෙවිමි ඇගෙ නෙතු උයන් ..මැද
යහන් මත වැටුණි කඳුළැලි බිඳෙන් ......බිඳ
පහන් ටැඹත් මට කළුවර ගෙනෙයි .......අද