කෝම්පිට්ටු...

            

රෑට බතට කන්ට කියල කෝම් පිට්ටු	ඉවුවා
කාට හැකිද ඕව' කන්ට! කියල' අම්ම'	රැවුවා
ඊට පස්සෙ බත් ගෙනැල්ල' අනල' අනල'	කැවුවා
පාට පිරුණු රහයි ගුණයි අපේ බඩට	යැවුවා
කූට මිනිස් කැළයකි මේ අනතුරු	ඇඟැවෙවුවා
මීට වඩා ඉවසිය යුතු බව නිති	පැහැදෙවුවා
දේට හොඳම යොමු කරද්දි බැන බැන	ඇහැරෙවුවා
දාට මියෙන ආඩම්බර වෙන්නට	දිවුරෙවුවා
මෝටරේට බිලක් නැතිව රුහිරු කිරෙන්	පෙවුවා
ඊට වැඩිය ඇගෙ කුස තුළ මාස ගණන්	ගෙවුවා
ගාට ගාට උනත් හරි ම පාරෙන් අප	යැවුවා
කාට ඕන නැතත් ඇයට අපව ඕනි	කිවුවා