සුබ උපන්දිනක් වේවා සොඳුරිය..!

                                

සඳුදා උදයේ	සිට
සිකුරාදා වන	විට
ඔබ ගෙවනා කටුකදිවිය
නොතේරෙන්නෙ නෑ	මට
හතරේ කණිසම	වදී
ඔබ කුස්සියටම	වැදී
උයයි පිහයි එක යුද්දෙට
හය වෙද්දිත් මම	නිදී
ලෑස්ති වෙන්නට	පෙර
තෙල් ගා තැවිලිත්	කර
අප්පච්චිට සලකන එක
අගයමි ලෙස පෙම්	බර
පොඩි උන් වත් ඇහැ	රවා
ලදහොත් කෑමත්	කවා
හනි හනිකට දුව යන්නේ
රැකියාවට දුර	ගෙවා
නිවසට හැන්දෑ	වට
එයි මඳහස කැටි	කොට
දරුවන්ගේ පාඩම් වැඩ
බලයි තදින් සැර	කොට
මවු පියො දෙදෙනට	මගේ
ඔබෙ අම්මා හට	වගේ
සලකන එක හරි සතුටක්
වැඩි වෙයි ඔබෙ ඇති	අගේ
කරදර බාධක	මැද
මා හා දුක් විඳ	විඳ
එන භවයෙත් මගෙ ම වෙන්න
ඇයි පැතුවේ රන්	කඳ
උපන් දිනය	සමරන
ඔබ හට පෙම	සමඟින
පතමි පැතුම් ඉටුවන්නට
දින දින මතු	එළඹෙන