දිගටම හොරා කමු ද?

ලංකාව පුරා මෘදුකාංග භාවිතය ඉතා වේගයෙන් ඉහල යන බව අමුතුවෙන් කිවයුතු නොවේ.. වැඩි දෙනා භාවිතා කරන්නේ Microsoft සමාගමේ නිමැවුම් වන.. Windows මෙහෙයුම් පද්ධති (Windows XP, Windows 7, Windows 8 ආදිය..) වලින් එකක් හා MS Office බහුකාර්‍ය මෘදුකාංගයි.

එහෙත් මේවා භාවිතා කරන්නේ Original Version එක මිල දී ගැනීමෙන් නොව.. කොහෙන් හෝ හොර ක්‍රමයක් හොයාගෙන Crack කිරීමෙනි.. මේ හරහා අපට ඇතිවිය හැකි උපද්‍රවයන් බොහෝය.. Crack කිරීමේ මෘදුකාංග සපයන වෙබ් අඩවි වල ගෝනි ගානට ඇති වෛරසයන් හොඳම උදාහරණයන් වේ.. 

අනෙක් අතට.. මේ නිශ්පාදක සමාගම් වලට මේ Crack කිරීම නැවැත්විය නොහැකිද? අඩු තරමේ අවම කළ නොහැකිද? ඔවුනට එසේ කළ හැකි බව මගේ විශ්වාසයයි.. එහෙත් එසේ නොකර ඔවුහු ද හොර ගල් අහුලති.. තවත් පැහැදිලිව කිවහොත්.. ඇතැමෙකුට පමණක් එරෙහිව නීතිමය ක්‍රියාමාර්ග ගනිති.. ඒ වෙන කිසිවක් නිසා නොව.. විශාල මුදලක් දී මෘදුකාංගයක් ස්ථාපනය කරගැනීමට ලංකාව වගේ රටවල් වල මිනිස්සු අකමැති බව ඔවුන් දන්නා නිසාය.. එසේ මිළ දී ගන්නට වුවහොත්.. නොමිලයේ ලැබෙන Linux, Ubuntu වැනි මෙහෙයුම් පද්ධතීන් වෙත ඉතා පහසුවෙන් අපේ මිනිසුන් ආකර්ශනය වන බව ඔවුන් දන්නා නිසාය.. එහෙම වුණොත් ඉඳහිට හෝ විකිණෙන original version එකක් නොවිකිණෙනවා පමණක් නොව... වෙළඳපොල තුළ තමන්ගේ ඇති අධිකාරිය බිඳෙන බවත් ඔවුන් දන්නා නිසාය.

ලංකාවේ යන්තම් ගැටගහගෙන නැගිටින සමාගම් හෝ ආයතන නොවේ.. සවි ශක්තිමත් ආර්ථිකයක් ඇති ව්‍යාපාරිකයින් මේ ගැන සිතිය යුතුය.. හොර කොපි වෙනුවට Original Copy එකක් ඇණවුම් කර මේ හොරකම අවම කරන්නට පූර්වාදර්ශයක් සැපයිය යුත්තේ ඔවුහුය.. අනෙක් අතට.. Microsoft වැනි මුදලට මෘදුකාංග විකුණන සමාගම් ද මේ නිශ්පාදන සාමාන්‍ය සමාගම් අතර ජනප්‍රිය කිරීමේ ක්‍රමවේදයක් ගැන සිතිය යුතුය. කුඩා සමාගම් වලට දැරිය හැකි මිළකට සිය නිශ්පාදන ඉදිරිපත් කිරීම හොඳ ක්‍රමයක් යැයි මට සිතේ..

හොරකම මුලිනුපුටා දැමීමෙන් මිස අභිමානවත් ජාතියක් ලෙස නැඟී සිටිය හැකි ද? 

ඇමරිකන් කාරයාගේ මෙවලම් ම හොරෙන් භාවිතා කරමින් ඇමරිකාවට පළු යන්ට බැනීම.. අකෘතඤ්ඤ කමක් මෙන්ම මෘග කමක් නොවේද ..?

18+ ප්‍රදර්ශනේ..

සමගියෙන්ම ජීවත් වුණු නෝන, මහත්තයා
රති කෙළියෙදි නං පොඩියක් අප්සැට් උනි මෙයා
ඒත් ඉතිං ලෝකේ හැටි ඔහොම තමයි කියා
මේ දෙන්නා නිදා ගන්න සිරියහනට ගියා

මහ රෑ කෑ ගසා හපොයි බුදු අම්මෝ කියා
නෝනා ඇහැරිලා හතිත් දමමින් සිටි නියා
ඇයි හීනෙන් බය උනාද අහපු මහත්තයා
අන්දුන් කුන්දුන් කරමින් හිනා උනා එයා

මොකද්ද හීනේ පොඩියක් පවසන්නකො මට
"හෙට බලමුකො" නෝන' කීව' ඒ ඇවිටිල්ලට
බෙඩ් ටී එක හදං ඇවිත් ඔහු හනි හනිකට
උදයෙම ඔහු අහනවාලු හීනය හෙමිහිට

හරි වැඩේනෙ මෙයා අනේ ඊයේ හීනේ
දැක්කේ අහවල් ඒවා යේ ප්‍රදර්ශනේ
රේගන් ගේ ඔබාමගේ ඒවත් තිබුණේ
හිට්ලර්ගේ එකටයි මගෙ හිත නම් බැඳුණේ

පුදුම වැඩක් ලෝකේ හැම එකක්ම තිබුණද
ඔය අතරේ මගෙ එක හෙම තිබුණේ නැතිවද
මහත්තයා අහයි මහත් උජාරුවෙන් හිඳ
"තිබුණා තිබුණා පැත්තක" කීවා ඔද සිඳ

ඊළඟ දවසේ රෑ යළි නිදියන අතරේ
කෑ ගහගෙන නැගිට්ටෙ මේ සැමියනෙ මිතුරේ
හප්පේ මං දැකපු පුදුම හීනය අඳුරේ
දැන් නම් බෑ මට කියන්න නිදියමු සොඳුරේ

පසුදා උදයෙම හිමි හට තේක හදාගෙන
නෝනා ඇවිදින් තොරතුරු අහපි බදාගෙන
ප්‍රදර්ශනේ දැක්කේ ඔහෙලාගෙ කියාගෙන
මහත්තයා නැගිට්ටෙ සිය සරම හදාගෙන

කියන්නකො ඉතිං මිනිහෝ නොකර තව අගේ
ඩයනගෙ, මැතිණිගෙ ඒවත් තිබුණාද සගේ
තිබුණා තිබුණා ඔක්කොම පිළිවෙලට වගේ
ප්‍රදර්ශනය තිබුණෙ ඒත් එක තුළ ඔබගේ

විනෝදය තකා රචනා කළේ - චතුර විජේකෝන් වන මම වෙමි..

බැරිදා විග්‍රහය..! උඩ බලාගෙන කෙළ ගසා ගැනීම

යම් හොඳක් කරද්දී.. යම් නරකක් ද විය හැක.. අප තෝරා ගත යුත්තේ හොඳම විකල්පයයි..

අප මහ බෝසතුන්ට සිය ඉසුරුමත් හා පරිපූර්ණ පවුල් ජීවිතය ද බුද්ධත්වය ද කියා තෝරා ගන්නට සිදු විය.. උන් වහන්සේ තෝරා ගත්තේ ලෝකෝත්තර මාර්ගයයි.. එයින් යසෝධරාව, සුදොවුන් රජ සහ රහල් කුමරු.. සෝකයට හා තැවුලට පත් වූ තරම කෙතරම්දැයි අමුතුවෙන් කිව යුතු නැත.. බහුතර ජනයාගේ යහපත වෙනුවෙන්.. තමාගේත්.. තම හිතවතුන්ගේත් සුඛ විහරනය අමතක කළ අවස්ථා බෝසත් සිරිත තුළ එමටය..

එතරම් කැපවීම් කර ලබාගත් අවබෝධය තුළින් බුදුන් වහන්සේ අපට දෙසූ දහම නම්.. බුදු දහමයි.. එම දම් දෙසුම් සහ සිවුවනක් පිරිස බුද්ධ ශාසනයයි.. මුල් කාලයේ මුඛ පරම්පරාවෙන් ගෙන ආ ශ්‍රී සද්ධර්ම දේශනා පසු කලෙක ග්‍රන්ථාරූඩ කළ ද, බුද්ධ ශාසනයට සබැඳි භෞතික හා සංස්කෘතිකමය බොහෝ දෑ.. උපාය මාර්ගිකව හෝ බලෙන් විකෘති කිරීමට හෝ විනාශ කිරීමට තිබූ බලවේග මෙතෙකැයි කිව නොහැකි තරම්ය..

බුද්ධ ශාසනයේ චිරස්ථිතිය උදෙසා.. දිවි පරදුවට තබා කැප වූ අය බෞද්ධ ඉතිහාසය පුරා හමු වේ..
මිහිඳු හිමි ආගමනයෙන් නිර්මිත හෙළ බොදු සංස්කෘතිය තුළ බුද්ධ ශාසනය රැකීමේ වගකීම හෙළයා බාරගෙන ඇති බව මගේ වැටහීමයි.. ඒ අනුව.. හෙළ-බොදු යන දෙ වදන ගසට පොත්ත මෙන් බැඳුණු අයුරකි.. (බොදු දර්ශනය අතරමඟදී හින්දු හා විවිධ ප්‍රාදේශීය ඇදහීම් වල සංයෝජනයටද ලක්ව හෙළ-බොදු සංස්කෘතිය ලෙසින් ඉදිරියට ආ බව පෙනේ)

කෙසේ වෙතත් හෙළයා විනාශ වෙන්නට යන හැම විටකම වාගේ.. බොදු හිමිවරුනගේ සහාය හෙළයිනට ලැබුණු අතර.. බොදු සංස්කෘතික විනාශයට එරෙහිව නැගී සිටියෝ හෙළයෝම විය..
ඇතැම් විට හෙළයා රකින්නට බොදු භික්ෂුව සටන් පෙරමුණට ආ තැන් ඉතිහාසයේ එමටය.. උන් වහන්සේලා අපේ ජාතික වීරයෝය..

අදත් හෙළයාට සිදුවන අසාධාරණයට එරෙහිව බොදු භික්ෂුව සටන් පෙරමුණට ආ කල.. ඔවුහූ.. අන්තවාදියෝය.. ජාතිවාදියෝය.. ආගම්වාදියෝය...

බොදු භික්ෂුව හෙළයා වෙනුවෙන් සටන් කළ යුතුයැයි මම නොකියමි.. එය පැහැදිලිවම.. බොදු පුතෙකුගේ කාර්‍යභාරය නොවේ.. එහෙත් එය හෙළයකුගේ කාර්‍ය භාරය වේ.. චීවරය පසෙකට විසිකොට හෝ.. මේ සටන කළ යුතුය..

අනෙක් අතට.. වත්මනෙහි හෙළයා වෙනුවෙන් හඬ නඟන භික්ෂුව.. අන්තගාමී නම්.. ජාතිවාදී නම්.. ආගම්වාදී නම්.. ඇස්. මහින්ද හිමි... කුඩාපොළ හිමි.. ඇතුළු හෙළ සටන් පෙරමුණෙහි මූලිකත්වය දැරූ සියළු හිමිවරු මේ ඝණයට අයත්ය..

උඩ බලාගෙන කෙළ ගසා ගැනීම වත්මන් හෙළයාගේ විනෝදාංශය බැවු පෙනේ..

අවුරුදු 3 ක් කියන්නෙ ව්‍යාපාරයකට ලොකු දුරක්.. ද?

Perfect Software Solutions(Pvt) Ltd කියන්නෙ මගේ මූලිකත්වයෙන්,  තවත් බොහෝ දෙනෙකුගේ සහභාගීත්වයෙන් හා සහයෝගයෙන් ඇරැඹුණු  ආයතනයක්. අපි අපේ ආයතනය වෙනමම ව්‍යාපාරයක් විදිහට පටං ගත්තේ මීට අවුරුදු තුනකට කලිං.. 

අපි ව්‍යාපාරය පටං ගන්නකොට.. අපට තිබුණෙ.. එකම එක Software Product එකයි..

                                                 

                                                            BizPay - Payroll Solution 

ඒත් අපට QB Lanka සමාගමේ සහ Softkey සමාගමේ සහයෝගය තිබුණා.. ඒ වගේම EBS Lanka ආයතනය, SOHANEC Total IT Solutions ආයතනය වගේ සහෝදර ආයතන ගනණාවක් අපිත් එක්ක සහයෝගයෙන් කටයුතු කළා.  ඒත් ගෙවුණු අවුරුදු තුන නම් ඒ තරම් සුන්දර වුණේ නෑ.. මොකද Software  වල දේශීය වෙළඳපොල විනාශ වෙලයි තියෙන්නේ.. විවිධ ආකාරයේ වංක පුද්ගලයින් මේ විෂය තුළ අපේ පාරිභෝගිකයින් බොහොමයක් රවටා තිබෙනවා.. පාරිභෝගිකයාට අවැසි දේ වෙනුවට.. මොකක් හෝ කුණුගොඩක් ඇඟේ ගහලා මාරු වෙන අය බොහොමයක් ඉන්නවා.. අපට අවශ්‍ය වුණේ.. වත්මන් සම්ප්‍රදාය වන එකිනෙකා කපාගෙන යන ක්‍රමය වෙනුවට, බොරු කියලා පාරිභෝගිකයා රවට්ටන ක්‍රමය වෙනුවට.. පාරිභෝගිකයාට හොඳම සහ අවංක සේවයක් දීලා අපේ ව්‍යාපාරය දියුණු කරන අතර අලුත් වෙළඳ සම්ප්‍රදායක් හඳුන්වා දෙන්න. 

Job Costing, Stock Control, Loan Management වගේ නිශ්පාදන ගනණාවක් අපේ නිශ්පාදන ලැයිස්තුවට කාලයත් එක්ක එකතු වුණා.. 

Job Costing

         

Stock Control

Loan Management

මීට මාස හතරකට විතර කලිං අපට තවත් පියවරක් ඉදිරියට තියන්න පුළුවං වුණා.. ඒ තමයි Web Site Design සහ Web Application Developments ආරම්භ කිරීම.  එය කාලෙක ඉඳං අපේ හිත්වල තිබුණු හීනයක් වගේ.. 

දැං ඉතිං පොඩ්ඩක් එළියට බහින්න කාලෙ හරියි කියලා අපි හිතුවා.. ආර්ථිකේ හතරවරං වෙලා තියෙන මේ කාලෙ එළියට බහිනවා නං ලොකු discount එකක් දෙන්නත් එපාය.. ඉතිං අපි තීරණය කළා.. අපේ ප්‍රධාන නිමැයුම වෙන.. BizPay - Payroll Solution එකට 35% ක විතර ලොකූ.. ම ලොකු Discount එකක් දෙන්න.. හැමදාටම නෙවෙයි.. ලබන ජූලි මාසෙ 15 වෙනකං.. විතරයි..

Mega Discount on PSSPay

Website Design කරන වැඩෙත් මේ දවස් වල ගජ ලාබෙට කරනවා..
ඉතිං කවුද අපිට මේ Campaign එකට උදවු වෙන්නෙ.. ?

ඔයාලට මේ උදවු වලිං එකක් හරි කරන්න පුළුවන්නං අපට ලොකු උදවුවක්.. ඔයාලට ලොකු පිනක්..

1. දන්න ආයතනයකට Payroll Software එකක් හොයනවා නම්.. අපට ඔත්තුව දෙන්ට.. (පවු සිද්ධ වෙන්නෙ නෑ.. අපි සුපිරියටම විසඳුම දෙනවා..) ඉතුරු හරිය අපට බලාගන්ට බැරියෑ.. <සංතෝසමකුත් දෙන බව මතක තියා ගන්ට..>

2. දන්න කාට හරි Web Site එකක් පත්තු කරගන්ට ඕන නං.. අපේ පැත්තට හරවන්ට.. <මේකටත් පුංචියට හරි සංතෝසමක් දෙන්නංකෝ..>

3. දන්න ආයතනයකට Job Costing, Stock Control, Loan Management වගේ Software එකක් හොයනවා නම්.. ඒ ඔත්තුවත් අපටම දෙන්ට..(Construction, Machinery, Production වගේ රාජකාරි කරන ආයතන වලට අපේ Job Costing Solution එක හොඳට ගැලපෙනවා.. <හොඳ සංතෝසමක් දෙනවා මේකට නං.. >

4. ඔයාලගෙ යාළුවො අතරේ අපේ දැන්වීම්, අපේ සයිට් එක Share කරන එකත් ලොකුම උදවුවක්..

5. අපේ ෆේස්බුක්  පිටුවට ගිහිං අපට ලැයික් එකක් ගහන එකත් වටිනා දෙයක්..

6. අපේ බ්ලොග් එකටත්  Publicity එකක් දෙන්ට පුළුවන්නම් අගෙයි..

අනිත් අයට කොහොම දැනුණත්.. අපට නං.. අවුරුදු තුනක් ඇතුලෙ අපි ආපු දුර ... ලොකු දුරක්.. 

     

දේව ධර්මය

මං පුංචිම කාලෙ ඉස්කෝලෙ ගියේ අවිස්සාවේල්ලෙ ශාන්ත මරියා විද්‍යාලයට.. ඒ කාලෙ මටයි අපේ මල්ලි කෙනෙකුටයි ඒ මල්ලිගෙ තාත්තා පොත් පිංචවල් දෙකක් ගෙනත් දුන්නා.. ඉන් මට ලැබුණු පොත තමයි "දේව ධර්මය" කියන්නෙ.. මේකෙ කතාව සම්පූර්ණයෙන් මතක නැති වුණාට.. ඒ කතාවෙ ඉන්න බෝසත් කුමාරයා.. විසින් රකුසෙකුට දේව ධර්මය පැහැදිලි කැර දී සිය සහෝදරයින්ගේ ජීවිත බේරා ගත් බවත්..මට මතකය.. එදා කුමාරයා දේව ධර්මය පැහැදිලි කළේ.. "පවු කිරීමට ඇති ලැජ්ජාව සහ බිය" යනුවෙන් බවත් මට හොඳටම මතකය.. එදා සිට නොයෙක් විට.. පවු යනු මොනවා දැයි මම නිතර සිතා බැලුවෙමි.. ඒ පවු කරන්නට ලැජ්ජා වුණෙමි.. බිය වුණෙමි.. ඉඳ හිට හෝ.. එයින් මිදී පවක් කළ මොහොතක මට එයට සැනෙකින් දඬුවම් ලැබුණි.. 

තව චුට්ටක් ලොකු වෙනකොට බලපු ටෙලි නාට්‍යයක කියැවුණු අදහසක් මට මතකය.. ප්‍රකාශක නළුවා.. සතිශ්චන්ද්‍ර එදිරිසිංහ මහතාය.. 
තමන් යන්ට ඕන.. ගියේ කොහේද කියලා සභාවක කියන්ට පුළුවන් තැනකට..
තමන් කරන්ට ඕන.. කළේ මොනවාද කියලා සභාවක කියන්ට පුළුවන් දෙයක්..

මේ කියමන මගේ හිතේ තදින් රැඳුණේ ඇයිදැයි නොදනිමි.. එහෙත් මා ඒ ගැන හිතන්ට පටන් ගත්තේ තවත් කාලයකට පසුවය... 

මීට වසර කීපයකට පෙර කුකුල්පනේ සුදස්සි හිමි දෙසුවේ මෙබඳු අදහසකි..
සමහරු පවු කරන්න කරන්න දිලෙනවා..
සමහරු පිං කරන්න කරන්න දිලෙනවා..
සමහරු පවු කරන්න කරන්න වැටෙනවා..
සමහරු පිං කරන්න කරන්න වැටෙනවා..

මුලිං කිවුව කට්ටිය .. සසරෙ පවු කරලා පුරුදු අය.. ඊළඟ කට්ටිය පිං කරලා පුරුදු අය.. ඊළඟ කට්ටිය පවට බරයි.. ඒත් සංසාරෙදි පුරුද්දක් විදිහට පවු කරලා නෑ..... ඊළඟ කට්ටිය සංසාරෙදි පින පුරුදු කරලා නැති තරම්..

මේ කතාව මගේ හිතේ දේව ධර්මය ගැන තිබූ පුංචිම සැකයත් අයිං කළා කියලයි මට හිතෙන්නෙ..

ඒත් දේව ධර්මය අපේ සමාජයට කොයි තරම් දුරද?

ප.ලි.
පිංතූරය ගත්තෙ මෙතැනින්.. වගේම අදාල ජාතක කතාවත් එතැනම තියෙනවා..

සුමිත් අයියා සහ දේශද්‍රෝහියෝ..3 (හෘද සාක්ෂිය)

සුමිත් අයියා සහ දේශද්‍රෝහියෝ ලිපිය ලිවුවට පස්සේ මට හිතුණනේ.. ඒකෙ දෙවැනි කොටසකුත් ලියන්ට..  ඉතිං ඊට පස්සෙ හිතුණා තුන්වැනි කොටසකුත් ලියන්ට.. තරහා නෑ නෙව..

ඇයි බං කෙලෙහිගුණ කියලා ජාතියක් උඹ දන්නෙම නැද්ද? අයියට රස්සාව දෙනකං වැඳගෙන ඉඳලා.. දැං එනවා කයිවාරු ගහන්ට..

මං එහෙම වැඳගෙන හිටියේ නෑ.. අනික සුමිත් අයියා.. අපේ අයියට ඔය රස්සාව නුදුන්නනං.. ඒක දෙයි ඊට වඩා හපං එකෙකුට.. අපේ එකා අඩුගානෙ ඕලෙවල්වත් කළා..

හරි.. උඹ කියන්නෙ උඹලෑ අයියට රස්සාව දුන්නු එක වැරදියි කියලනේ.. අපි ඒක සුමිත් අයියට කියමු.. 

ඒක ඉතිං උඹේ කැමැත්තක්.. මං කැමතියි අයියා එක එකාට කඩේ යන්නෙ නැතුව.. තමන්ගෙ හයියෙං රස්සාවක් කරනවා නං.. අඩු ගානෙ මැරෙන මොහොතෙ උගෙ හෘද සාක්සියෙන්වත් ඌට සැනසීමක් තියෙයි..

අනේ උඹෙයි මගෙයි හෘද සාක්සිය.. දැං උඹ උපාදි සහතිකේකුත් තියං බෝක්කු ගානෙ වේලෙනවා.. උඹේ හෘද සාක්සියට පුළුවං උනාද අර අම්මටයි තාත්තටයි බෙහෙත් ඩිංගක් අරං දෙන්ට..? අර හෘද සාක්සිය නැති අයියා නේද.. ඒකත් කොරන්නෙ..

ඒක නං ඇත්ත බං.. උඹ මගෙ පපුවට පිහියෙං ඇන්නා නං මීට සැපයි බං.. හ්ම්..

මට අයියට වගේ යුතුකං ඉෂ්ඨ කොරන්ට බැරි වෙයි.. ඒත් මං රටට ණය නෑ බං.. මං පහුගිය ටිකේ.. වැලි ගොඩ දාලා ගානක් එක්කහු කරන්ට ගත්තා.. කොහෙද දැං සතියට දවස් දෙකයිනෙ ඒකත් කොරන්ට දෙන්නෙ.. කොහොම හරි සල්ලි ටිකක් එක්කහු කරලා.. මං මගේම කියලා වැඩක් පටං ගන්නවා.. හොරකමයි බොරුවයි නැති..

ඉතිං මං සුමිත් අයියට කියලා පොඩි ලෝන් එකක් සැට් කරලා දෙන්නම්කෝ.. උඹ ඉක්මණටම පටං ගනිං වැඩේ..

නෑ.. බං.. මට එහෙම කරන්ට හිත දෙන්නෙ නෑ.. මං ප්ලෑන් කරපු විදිහටම කරනවා.. මහලොකු ගානක් ඕන නෑ නෙ වැඩේට.. 40,000 මට මාස තුනකින් විතර ඉතුරු කරගන්ට පුළුවං..

උඹ පිස්සු නොකර ඉඳහංකෝ.. මං වැඩේ සැට් කරලා දෙන්නං කෝ.. 

සුමිත් අයියා.. සමන්ත මළයා පොඩි වැඩක් පටං ගන්ට යනවලු.. පොඩි මුදල් අර්බුදයක් තියෙනවලු.. අපිට බැරිවෙයිද පොඩි සපෝට් එකක් දෙන්ට..
බෑයි කියලා බෑ නෙ මල්ලි.. කොහොම හරි සපෝට් එකක් දෙමු.. කීයක් විතර ඕනලුද..? 

50,000ක් විතර..

මුදලාලි අපේ කොල්ලෙක්ට පොඩි වැඩකට සල්ලි ටිකක් ඕනලු.. හෙට උදේ.. සැට් කරමුද? වැඩිය නෙවෙයි.. 75,000යි. 

ඔන්න සිරා.. 50,000 ට 60,000 ක් ම තියෙනවා.. කොළුවට ගිහිං දියං..

මෙන්න මචං.. සුමිත් අයියා 50,000 ක් ම දුන්නා උඹට.. 

ඒ මොකටද..?

ඇයි බං උඹ පටං ගන්ට යන වැඩේට.. සල්ලි මදි බව මං කිවුවා.. විතරයි මිනිහා ටක් ටක් ගාල කාට කාටද ෆෝන් කළා.. අද උදේ මගෙ අතට සල්ලි දුන්නා.. ඔන්න බලපං මනුස්සකම..

මනුස්සකම..??? උඹට පිස්සුද බං..???

෴෴අසරණී෴෴

නුඹයි මා ලද නිධානේ
පාළු වී ගිය සුසානේ
අඳුරු හොල්මන් විමානේ
හඬ ඇසෙයි නුඹෙ රබානේ

කණ කර නෑ කියලා තම
නෑ දෙනයන කඳුළක් හෙම
තිබුණා නැතුවත් වත්කම
වතයි නුඹේ .... පොහොසත්කම

බලෙන් පිම්බුණු කුස එදා
ලොලෙන් නළවයි පුතු සදා
දොළෙන් පිටකළ මැන මෙදා
මලෙන් බිහි වුණු ලෙස හදා

නැළැවිලි ගී නෑසෙන්නේ
අවරට ඇයි හිනැහෙන්නේ
පුතු කඳුළැලි වගුරන්නේ
පියකුද ඔහූ.... ඉල්ලන්නේ...!

ගං ඉවුරේ ඇන්ද රටා..

ගං ඉවුරේ
ඇන්ද රටා
එදා ආදෙරෙන් තුරුළුව
හිමින් හිමින්
නෙවෙයි මැකුණෙ
ඒකයි පුදුම...
අපට අපව
දුරස් වුණේ
සැණෙකින් කොහොම..
..............................................
එදා වගේ
දොඩමළු වී
කතා කළේ
නැහැයි කියල'
අපි මෙතරම් දුරයි කියල'
කියන්නෙ කොහොම..
මට නං
ඔබ අමතක නෑ
මතකයි තවම.....
.............................................
මතකෙන් නොම ගිලිහුණාට
ලෙංගතු කම් පැවතුණාට
එදා තිබුණු ආදර හිත
හොයන්නෙ කොහොම...
තනි උනහම
සියොළඟ නැහැ
වෙළෙන්නෙ එහෙම..
..........................................
අද අපගේ
හදවත් වල
එදා තිබුණු රාගය නෑ
ලෙංගතු කම
කියන්නෙ
ආදරයයි පරම......
කවදාවත්
මිලින නොවෙයි
ඒ පෙම් කුසුම...
.......................................

බැරිදා විග්‍රහය ! විදුලි බිල හා ජවිපෙ

විදුලි බිල වැඩි වීම සාධාරණ ද? 
මට සිතෙන්නේ මේ මිල වැඩි වීම අසාධාරණයක් නැතැයි කියාය.. රටේ උද්ධමනයක් පවතින විට එවන් වැඩිවීමකට අප සූදානම් විය යුතුය. අනෙක් අතට මෙම වැඩි වීම අඩුවෙන් පරිභෝජනය කරන්නන් කෙරෙහි බලපාන්නේ අඩුවෙනි. නැතහොත් බලපාන්නේ ම නැත. අඩු විය යුත්තේ ගසා කෑම්ය, නීතිය වල් වැදීම්ය, ජනතාව ගොනාට ඇන්දවීම්ය, ජනතා විරෝධී හා ප්‍රජාතන්ත්‍ර විරෝධී ක්‍රියාය. නීතියේ ඇති අසමානතාය.

එයට විරුද්ධව උද්ඝෝෂණය කළ යුතු ද?
විදුලි බිලට එරෙහිව මෙතරම් උඩ පැනීමක් කොහෙත්ම අවශ්‍ය නැත. උද්ඝෝෂණය කරනවා නම්.. කරන්නට කාරනා එමටය.. ජනතා නියෝජිතයෝ, උන්ගේ පැටවු කෙළින පිස්සු වලට විරුද්ධව උද්ඝෝෂණය කරන්නට කවුරුත් නැත. එහෙම කරනවා නම්.. මාත් එන්නට සූදානම්ය.

ජවිපෙ මිනී මැරූ එක හොඳ වැඩක්ද?
නැත. ඔවුන් සිතුවේත්..සිතන්නේත්.. මිනිසුන් ඉන්නේ කොටස් දෙකක්ය කියාය.. තමන්ට සහයෝගය දෙන සහ තමන්ට විරුද්ධ අය යන කොටස් දෙකයි. ඉතින් ඔවුහු.. නිහඬව සිටිය අයවත් දැක්කේ.. දකින්නේ තමන්ට විරුද්ධ අය යැයි කියාය. අද උදේ රේඩියෝ එකේ කිවුවේ.. අපේ රටේ කවුරුත් ආදරය කළ විජය කුමාරණතුංග, ප්‍රේමකීර්ති ද අල්විස්, සාගරිකා ගෝමස්, තේවිස් ගුරුගේ.. ආදී ලිස්ට් එකක්ම ජවිපෙ විසින් ඝාතනය කළ බවයි.. එය සිදු වුණේ අර කියපු සිතිවිල්ල නිසාය. කොහොම වුණත් ගිය ණුවන ඇතුන් ලවා වත් ඇද්දවිය නොහැක. ප්‍රේමකීර්ති නම් සියවසකට වරක් වත් බිහිනොවන ශ්‍රේෂ්ඨ කවියාට නැවත පණ දිය නොහැක. විජය කුමාරණතුංග නම් සොඳුරු මිනිසාට  නැවත පණ දිය නොහැක..

එහෙමයි කියා ජවිපෙට උද්ඝෝෂණයක් කිරීමට අයිතියක් නැති ද?
ප්‍රශ්නය මෙයයි. ආණ්ඩුව හිතන්නේ එහෙම අයිතියක් ජවිපෙ ට නැතැයි කියා ය. එහෙම බැලුවොත් ඒ අයිතිය වෙනත් එකම දේශපාලන පක්ෂයකට වත් නැත. හරියට හෝ වැරදියට තමන්ගෙ ජීවිත පරිත්‍යාගයෙන් ජනතාව වෙනුවෙන් අරගල කළ පක්ෂයක් ලෙස ජවිපෙට එම අයිතිය හොඳින්ම ඇත.. වරද නම්.. අරගල කළ යුතු කාරණාව තවමත් ජවිපෙට නොවැටහීමයි..

සඳස-රේඩියෝ.. කවි සිතක් අද්දර

අන්තර්ජාලයේ කවි සමූහ මෙන්ම විවිධ රේඩියෝ නාලිකා ද ඇති බව ඔබ සියළු දෙනා දන්නවා ඇත. එහෙත් මේ අතර සඳස ෆේස්බුක් කවි සමූහය සහ සඳස රේඩියෝව මේ අතර සුවිශේෂයැයි මට සිතෙනුයේ.. මේවා අන්තර්ජාලය හා ෆේස්බුක් හරහා සඳස් කවිය වෙනුවෙන් මහා මෙහෙවරක් කිරීම පිණිසම ඇරැඹුණු ඒ ඒ වර්ග වල මුල්ම ආයතනයන් නිසාවෙනි.. ඒ නිසාම මේවායේ නිර්මාතෲ හේමදාස ලියනගේ මැතිඳුන් කෙරෙහි ද මා තුළ ඇත්තේ.. ඉමහත් ගෞරවයකි.. එම ගෞරවය දෙගුන තෙගුන වන්නේ.. එතුමා තුළ ඇති අවංක හා ඍජු ගුණයන් දකින විටය..

කෙසේ හෝ පසුගිය සතියේ සඳස රේඩියෝවේ අනූෂා නිලන්තිකා මහත්මිය මා හට පැවසුවේ එම රේඩියෝවේ විකාශය වන "කවි සිතක් අද්දර" වැඩසටහනට මා තෝරාගත් බවකි.. ඒ සඳහා සහභාගී විය හැකිදැයි ඈ මා විමසුවාය.. මෙය මට මහත් සතුටක් වූ නිසාම එයට එකඟ වූයෙමි..

බොහෝ කරදර මධ්‍යයේ ස්කයිප් හරහා පටිගත කළ එම සාකඡ්ඡාව මෙහෙයවනු ලැබුවේ නෙරංජි ලියනගේ මෙනවියයි..

ඉතින් එය පසුගිය සිකුරාදා එනම් 17 වෙනිදා ශ්‍රී ලංකා වෙලාවෙන් රාත්‍රී 9.00 ට සඳස රේඩියෝවෙන් විකාශනය විය. මා වැනි අංකුර කවියෙකුට එවන් අවස්ථාවක් ලැබිම මහත් භාග්‍යයකි.. ඊටත් වඩා තවත් සඳස් කවි සමූහයක් වන සිහල කවි සංගමයට අයත් කෝකිල හඬ කවි සමූහයේ ඇඩ්මින් වරයෙකු වන මාව මේ සඳහා තෝරා ගැනීම පිළිබඳ  ඔවුන්ට ස්තුතිවන්ත විය යුත්තේ කවි සමූහ අතර සබැඳියාව වත්මනෙහි කාලීන අවශ්‍යතාවයක් නිසාවෙනි..

එම වැඩසටහන U Tube හී තැන්පත් කර ඇත්තේ මෙසේය..









එහෙනං ඔයාලත් මේවා අහලා ගුණ දොස් කියන්ටකෝ..

සඳස රේඩියෝවේ ෆේස්බුක් පිටුවටත් ගිහිං ලයික් එකක් දාන්ටකෝ..

සුමිත් අයියා සහ දේශද්‍රෝහියෝ..2 (කෙලෙහි ගුණ)

 සුමිත් අයියා සහ දේශද්‍රෝහියෝ.. නමින් මා ලියූ මුල් ලිපියට සබැඳිව තවත් ඉදිරියට යන්නට සිතුනු නිසා එහි දෙවැනි කොටසක් ද ලියන්නට සිතුවෙමි..

======================================
උඹලට සුමිත් අයියලා මොනවා කරත් වැරදියි..  මිනිස්සුන්ගේ වැරදිම හොයන්ට එපා බං.. අපි කවුරුත් මිනිස්සුනෙ.. අපි කාටත් වරදිනවා.. හොඳ දකින්න පුරුදු වෙයං..
======================================
යකෝ අපි කවුරු කරත් වැරැද්දට වැරදියි කියනවා.. හරි දේට හරියි කියනවා.. උඹලා වගේ කැපුවත් නිල් නෙවෙයි.. අවුල තියෙන්නෙ සුමිත් අයියා කරන තරමක් කරන්නෙ තක්කඩි වැඩනේ..

======================================
එහෙම කියන්ට එපා බං.. උඹලෑ අයියගෙ රස්සාව හොයලා දෙන්ටත්.. සුමිත් අයියා මාර ගේමක් දුන්නනේ..
======================================
ඒකමනේ බං මාත් කියන්නේ.. එතනත් කළේ තක්කඩි වැඩක්නේ.. අහිංසක‍යකුගේ අවස්ථාවක් නේ.. නැති කළේ..  අපි පැත්ත ගියත් ඇත්ත කියන්ට එපාය..
======================================
ඇයි බං කෙලෙහිගුණ කියලා ජාතියක් උඹ දන්නෙම නැද්ද?

සුමිත් අයියා සහ දේශද්‍රෝහියෝ..

සුමිත් අයියා නම් මහ පුදුම මිනිහෙක්.. බලන්ටකො තියෙන නිරහංකාර කම.. හැමෝත් එක්කම හිනාවෙලා.. වචනයක් හරි කතා කරලා නෙව යන්නේ.. 

ඒ විතරක්ද මළ ගෙයක් දානෙ ගෙයක් වරද්දන්නෙ නෑ.. අපි වගේ නිකං ගිහිං කුට්ටම හොල්ල ඉඳලා එන එකක්ය.. අඩු ගානෙ රුපියල් පන්දාහක් වත් ගෙදර ඇත්තන්ට දීලා තමයි එන්නෙ.. වෙන මොකක් හරි අඩුපාඩුවක් කියන්ට.. ටක් ගාලා තමන්ගෙ සැට් එකට කියලා වැඩේ කරලා දෙනවා.. 

ඒකටත් එක්ක සයිමොං මාමා.. ඒ කිවුවෙ.. සුමිත් අයියගෙ මාමා කාරයා.. අමු කුණා.. අර උඩහ කන්දට යන පාර ලොකු කරන්ට දුන්නෙ ම නෑ නෙව.. නඩු කියලා, හූනියං කරලා කොච්චර නං හදි කළා ද..? ඒ වුණාට නඩුව දින්නට වැඩක් වුණාද..? සුමිත් අයියා ඇවිත් වචන දෙකයි කිවුවේ.. සයිමා නිකංම සයිලන්..

අර මැගි නැන්දගෙ දුව කුමාරි.. *ක කහ ගන්ට නියපොත්ත නැති වුණාට.. *** නළලෙ තියාගෙන හිටියෙ.. සුමිත් අයියා බැස්සා ගේමට.. කෙල්ල සැරෙන්ඩර්.. ආයෙ මොනවද.. දැං ඉතිං කෙල්ලට රජ සැප..නේ.. 

=============================================
අනේ පලයං බං යන්ට.. අපි නොදන්න සුමියා.. ඕකා මරිසියට කාටත් කෙහෙල් ඇවරිය දැම්මට.. ඕකා හෙණ දසයා.. 

බලහං.. ඕකා අඩු ගානෙ.. ඕ ලෙවෙල් වෙනකං ඉගෙන ගත්තද? හැබැයි දැං මුදල් ඇමති තුමාගෙ උපදේශක. ගමේ එවුවන්ට කසිප්පු පොවලා හම්බකරන සල්ලි මළ ගෙවල් වලට මිසක් පොඩි එවුන්ට චොකලට් ගන්ට වියදං කොරන්නෙ නෑ බං..

ඌ පාර කපාගත්තෙ කන්දෙ එවුවන්ට තියෙන ආදරේට වෙන්ටෑ.. අනේ නිකං ඉඳහං.. උගෙ හොර වැඩ ටික පාඩුවේ කොර ගන්ට ගමේ එවුංව ෂේප් කරගන්ට තමයි ඕකා ඔය පාර කැප්පුවේ.. අනික උගෙ හොර ගෑණිගෙ ගෙදරත් කන්දෙ නෙ බං තියෙන්නෙ..

කුමාරි ලැජ්ජා බයට හැදුණු එකියක් කියලා තමයි මාත් හිතං උන්නෙ.. ඒකිත් අපට දාන්ට තියෙන ඔක්කොම පාට් පෙන්නලා.. මුගෙ අතිං සල්ලං වුණා.. කන්ට බොන්ට අඳින්ට නං තාම තියෙනවා.. ඒත් බං රටේ ගස් ටික කපලා, නිධං ටික මංකොල්ල කාලා, කසිප්පු ටික ගමේ එවුන්ට විකුණලා, ඇමතින්ට වන්දිභට්ට කං කොරලා හම්බ කරන සල්ලි කොච්චර කල් යා දෙයි ද කියලා කවුද දන්නෙ..
================================================
උඹලා හිතන්නෙ ඉතිං නුහුරටමනේ.. උඹලා වගේ එවුවන්ට තමයි බං දේශද්‍රෝහියො කියන්නේ..

Payroll Software එකක වැදගත්කම.. 2

 Payroll Software එකක වැදගත්කම.. 1 ලියලා සෑහෙන දවසක්.. ඒ කියන්නෙ මාසයක් විතරම ගියා.. දෙවැනි කොටස දාන්න ඉස්පාසුවක් ලැබුණේ අද තමයි ඕං..

C Form, Form C3 Return, R4 Form, Form II Return, PAYE Tax Deduction, T-10  වගේ අතිශය වැදගත් Statutory Reports කිහිපයක් ගැන පළමු ලිපියෙන් අපි කතා කළා..

Salary Sheet, Coin Analyze, Loan Status වගේ Reports වල තියෙන වැදගත්කමත්.. Payslip එක ගැනත් අපි කතා කළා..

෴෴෴෴෴අද එතැන් සිට෴෴෴෴෴෴෴෴෴෴
Salary Sheet වගේම වැදගත් Reports  දෙකක් තමයි.. Bank Transfer   හා Signature Sheet කියන Reports  දෙක.  Bank Transfer  Report එකේ බැංකුවට පඩිය Transfer වෙච්ච අයගේ විස්තර ටිකත්,  Signature Sheet එකේ සල්ලි වලින් පඩි ගත්තු අයගේ විස්තර සහ අත්සන දැමීමට ඉඩකුත් තියෙනවා.. පල්ලෙහා තියෙන පිංතූර දෙකෙන් පෙන්වන්නෙ මේ Reports දෙකට උදාහරණ...

ඊළඟට අපට හමුවන වැදගත්ම Reports වෙන්නෙ Payroll Summary Reports ටික. මේ ටික ගොඩක් වැදගත්  වෙන්නෙ Salary එක ගැන පොඩි විශ්ලේශනයක් කරන්න.. ආයතනයක් විශාල වෙද්දි.. මේ තොරතුරු ටික බොහොම වැදගත් වෙනවා.. මේ තියෙන්නෙ උදාහරණ Reports කිහිපයක්..

මේ වගේම විෂ්ලේශනයට ඉතා වැදගත් වෙන  Report එකක් තියෙනවා.. Salary Detail by Employee  කියන Report එක.. එමඟින් යම් කාල පරාසයක් තුළ එක් සේවකයෙකුගේ Salary එක වෙනස් වූ ආකාරය සොයා බැලිය හැකියි.. පහත දැක්වෙන්නේ.. එම Report එකේ උදාහරණයක්..


මේ වගේම Fixed/ Variable Allowances හෝ Deductions, Increments, Salary Advance, NoPay, Late, Overtime වගේ Reports වලින් ආයතනයේ දියුණුවට ඉවහල් වන තොරතුරු බොහොමයක් ඉතා පහසුවෙන් හොයා ගන්න පුළුවන්..

මෙයිට අමතරව Salary එකත් එක්ක සෘජුවම සම්බන්ධ නොවුණත්.. Active, Inactive සහ Terminated  Employee Lists ඉතා ප්‍රයෝජනවත්. Employee Profile හා Gratuity කියන Reports දෙකත් බොහොම වටින කියන Reports දෙකක්..

දැං බලාගෙන ගිහාම ඔක්කොම වටින කියන ඒවනෙ.. ඔවු ඉතිං වටින කියන ඒවා ගැන තමයි කියන්නේ... නොවටිනා ඒවා ගැන කියලා වැඩක්ය..

ඉතිං එහෙනං Payroll Software එකක තියෙන වටිනා කියන ගොඩාක් Reports ගැන අද ලිපියෙන් විස්තර කළා.. පිංතූර ටිකකුත් දැම්මනේ..

ඊළඟ ලිපියෙන් තවත් වැදගත් කරුණු ටිකක් ගේන්නම්...

ඉස්පාසුවක් තියේ නං විතරක්..
Perfect Software Solutions (Pvt.) Ltd.  කියන අපේ Company එකේ වෙබ් පිටුවටත් ගිහිං.. ගෙදර යන ගමං අපේ ෆේස්බුක් පිටුවටත්  ගොඩවෙලා යන්නකෝ..
 

කවුරුන් හෝ ඇවිල්ලා..

ඔබව දන්න ඔබ නොදන්න කවුරුන් හෝ ..........ඇවිල්ලා
හදෙහි ගින්න මැඬ නිවන්න මොනවාදෝ ........ගෙනැල්ලා
තව හිතන්න හසු නොවන්න ඉවසාලා ...............සියල්ලා
මෙත වඩන්න සිත නිවන්න පුළුවන් දැන ..........ගනිල්ලා

පුංචි පුතා වෙයි සමතා ඒ ගැන සිත ................යොමල්ලා
දෝණිට යන කල දවසට අඩු වැඩියක් ...........හොයල්ලා
පාළු සිතේ හීන පැතුම් ගැන මැදහත් ...............වෙයල්ලා
දෝස නසා පිය දිගැසා ගැන බිඳුවක් .................සිතල්ලා

කාසි නිසා වාසි තකා වරදට යොමු .............නොවෙල්ලා
පාසි ලෙසා බැන්ද ගලේ අනුනට දුක් ..........නොදෙල්ලා
දෝසි වෙසා වෙහෙස නිවා සැම හිත් රස ..........කරල්ලා
වාසි බසා වේය දොසා සුබසම නිති ...............දොඩල්ලා

බ්ලොග් කමෙන්ටුවකට ලිංක් (Link) එක ඔබන්නේ කොහොමද?

නිතරම අපට අවශ්‍ය වෙන පුංචි පුංචි දේවල් අතර බ්ලොග් එකක කමෙන්ටු දාද්දි වැදගත් දෙයක් තමයි.. Link එකක් කමෙන්ටුව අතරට අමුණන එක..

ඔබට අවශ්‍යයි කියලා හිතමු http://hadapathula.blogspot.com කියන Link එක.. "හදපතුල" විදිහට පෙන්නලා.. ඒක  Click කළාම අවශ්‍ය තැනට යන්න..

මෙන්න මේ විදිහට ඒ වැඩේ කරන්න පුළුවන්..

මෙතන තමන්ට යන්ට අවශ්‍ය තැන Link Address එක (දිගුව) http://hadapathula.blogspot.com වෙනුවට දාලා.. පෙන්නන්ට ඕන Text එක හදපතුල වෙනුවට දැම්මා නම් ලස්සනට Link එක පෙනෙයි..

මේක Blogger   වගේම  Wordpress වලත් වැඩකරන බව මට මතකයි.. දැනගත්තට පස්සෙ පුංචි දෙයක් වුණාට.. දැනගන්ට කලිං මහා ලොකු දේවල් විදිහට හිතෙන දේවල් වලිං එකක් තමයි මේක..

මේක ඉතිං පෝස්ටුවක් ලියන්ට තරං දේකුත් නෙවෙයි.. ඒත් ඉතිං ලිවුවට වරදකුත් නෑ.. මයෙ හිතේ..

හැඩයට නමක්..

දෙන්නෙක් අතර ඇතිවන සම්බන්ධයකට නමක් දිය යුතුම ද? සම්බන්ධය කුමක් වුණත්.. එයට අනිවාර්යයෙන් තිබිය යුත්තේ හැඩයකි.. එම හැඩයට නමක් දිය හැකි නම් එය වෙනම කතාවකි.. නමක් යෙදිය හැකි නොවීම හැඩයේ වරදක්ද?

මාත් අපේ රටේ නායකත්වයත් අතර ඇත්තේ අපූරු සම්බන්ධයකි.. ඒ සම්බන්ධයේ දී.. මට ... ඔහු මගේ රටේ ජනතාව විසින් පත් කළ මගේ රටේ නායකයාය..  ඔහුට .. මා.. සුවහසක් වූ ඔහුගේ ආදරණීය ජනතාව අතරේ.. ඔහු මහත් සේ ආදරය කරන මිනිසෙකි..

ඕනෑම සම්බන්ධයක තත්වය එසේ නොවේ ද? දෙදෙනාටම එක ලෙස දෙදෙනාව දැනෙන්නේ නැත.. එහෙත්.. අප අපගැන තීන්දු තීරණ ගන්නේ එම පදනමේ පිහිටා නොවේද?

යම් යම් සාධක අනුව නිර්ණායකයන් තනා තිබුණත්.. ඒවා පුද්ගලයාට සාපේක්ෂව ඉතා විශාල පරිමානයෙන් වෙනස් වේ..

ඔබට මා සිත ආදරය කළ පමණින්..
ඔබත් මට කළ යුතුද ආලය..
මගේ ආලය ඔබට ඕනෑ නැති මුත්..
මා නැවැත්විය යුතුද ආලය..
ඔබ කොහේදැයි නොදන්නා මට සැබැවින්..
ඔබට කළ නොම හැකිද ආලය
ඔබට දෙන්නට බොහෝ දෑ සිත ඇති මුත්..
දිය යුතුද ඒ සොඳුරු ආලය...
ඔබේ යහපත නිබඳ  පැතුවෙමි සෙනෙහෙන්..
එයට කියනා.... නමද ආලය..

මේ පාරත් පොල්ල තමයි..

මේ පාර සයිබරයේ බක්මහ සැණකෙළිය තියෙන්නේ අප්‍රේල් 21 වෙනිදාය කියලා මං දැනගත්තේ.. ඊයෙ.. ඉතිං මේ පාර නං කොහොම හරි යනවයි කියලා හිතා ගත්තු මං තකහනියක්ම ගිහිං ඉල්ලුම් පත්තරේකුත් පිරෙවුවා.. හුටා පටස්.. ගෙදර ගිහාමයි මතක් වුණේ.. 21 අපේ ගෙදර නෑදෑ හමුවක් තියෙනවා.. නෑදෑ හමුවක් කියන්නේ අපේ අම්මගෙ සහෝදර සහෝදරියො ටික අපේ ගෙදරට කැඳවලා පුංචි සංග්‍රහයක් කොරනවා.. ඒ මදිවට අපේ අප්පච්චිගේ උපන් දිනේ.. ඉතිං නෝ හෙල්ලුම්..

කමක් නෑ එහෙනං .. මේ පාරත් පොල්ල තිබ්බට සමාවන සේක්වා..!

ලබන්නා වූ සිංහල අවුරුද්ද කට්ටියටම සුබ ම සුබ අලුත් අවුරුද්දක් වේවා..!

අනේ ඉතිං පුළු පුළුවං කට්ටිය.. මෙතැන්ට ගිහිං සැණකෙළි අසිරිය විඳගන්ට..!

එහෙනං ආයිබෝං..!

Payroll Software එකක වැදගත්කම.. 1

මගේ ආයතනයේ  ප්‍රධානම Product එක Payroll Software එක හින්දා ඒ ගැන ලිපි කිහිපයක් ලියන්න ඕන කියලා මට හිතුණා... කලා කටයුතු වලට අවුලක් නොවෙන්න අතරින් පතර.. එකින් එක දාන්නම්..

ආයතනයක් පවත්වාගෙන යද්දි කරන වැඩේට වඩා අමාරු වැඩේ තමයි.. රජයට අවශ්‍ය Documents හදන එක.. Payroll එකත් එක්ක සම්බන්ධ වෙන මේ වගේ Documents කීපයක් මතක් කරනවා නම්..

C Form - මාසිකව EPF සඳහා
Form C3 Return - මාස හයකට වරක් EPF සඳහා
R4 Form - මාසිකව ETF සඳහා
Form II Return -  මාස හයකට වරක් ETF සඳහා
PAYE Tax Deduction - මාසිකව PAYE Tax සඳහා
T-10 - වාර්ෂිකව  PAYE Tax සඳහා

මේ විදිහට මහා ගොඩාක් Reports අවශ්‍ය වෙනවා.. ඒ ඔක්කොටම වඩා පඩි ගෙවන එකනේ වැදගත්. පඩි ගෙවන්න ඉතාම වැදගත් වෙන Reports කීපයක් තියෙනවා.. මේ තමයි ඒවා..

Salary Sheet  - මේක හරියට තියෙනවා නං, සල්ලිත් තියෙනවා නං එච්චර කරදරයක් නැතුව පඩි ගෙවා ගන්න පුළුවනි.
Coin Analyse (Summary & Detail)  - ටිකක් වැඩිපුර සේවකයො ඉන්න (තේ, රබර් වතුයායවල් වගේ) ආයතන වලට තමයි මේක ගොඩක් වටින්නේ.. බැංකුවෙන් සල්ලි ගෙනෙද්දි මොන මොන විදිහටද ගේන්න ඕන කියලා (රුපියලේ ඒවා කීයද, දහයේ කොළ කීයද, දාහෙ කොළ කීයද, පන්දාහේ කොළ කීයද.. ආදී වශයෙන්) ලැයිස්තුවක් දෙන එක තමයි මේකෙන් කරන්නේ..
Payslip එක ඉතිං වටින්නේ සේවකයින්ටනේ..

අනිත් වැඩේ තමයි Staff Loan.  ආයතන වල එක එක විදිහේ .(Festival Advance, Distress Loan වගේ..)   Staff Loan Types තියෙනවනේ.මේවා පඩියෙන් කැපෙන්න ඕන වගේම හිටපු ගමන් මේ මාසෙ කපන්න එපා කිවුවම නවත්තන්නත් එපාය. Staff Loan වල Status එක දැනගන්න එකත් බොහොම වටිනවා.. කොච්චරක් කැපිලද? තව වාරික කීයක් කැපෙන්න තියෙනවද? වගේ දැනගන්ට කරුණු බොහොමයක් තියෙනවා නේ..  ඊට අමතරව සමහරු බැංකු වලින් ලෝන් අරගෙන ඒවත් පඩියෙන් කපලා බැංකුවට යවන්න කියනවා.. ඉතිං මේ Staff Loan කෙරුවාව System එකක් නැතුව කරනවා කියන්නේ.. ලේසි පාසු වැඩක් නෙවෙයි..

තවත් වැදගත් කරුණු ඉදිරියට..

අන්තිමේ හිත් දෙකම එකම මතයකට ආවා..!

මගෙ හිත පිරී තිබෙන්නේ ඔබ ගැන සිතුවිල්ලෙන්..
එහෙම කාලෙකුත් තිබුණා නේද? 
මට ඇහෙන නෑහෙන ගානට මගේ හිතම මට කෙඳිරුවා..

ඇත්තටම එහෙම කාලයක් තිබුණද? 
ඒ ප්‍රශ්නයත් මගේ හිතෙන්මයි.. ඒ වුණාට අර කලිං හිතට වඩා මේ හිතට පොඩ්ඩක් හිතන්න පුළුවං ද කොහෙද..

එහෙම හිතෙන කාලයක් තිබුණා.. ඒකයි ඇත්ත..
ඒත් දැං..
එහෙම හිතෙන්නෙ නෑ..
ඒත් ඇයි ඒ..
ඕවා හිත හිතා ඉන්න කොහෙද අප්පා වෙලාවක්..
අනික ඉතිං මොනවා හිතන්නද.. එයා ඉතිං මගෙ වෙලා ඉවරනෙ..

හික්.. හික්.. මගෙ වෙලා විතරක් නං මදෑ.. මට එපා වෙලත් ඉවරනෙ.. 

ආයෙත් අර චාරයක් නැති හිත ඉස්සරහට පැන්නා..

එහෙම එපා වෙලා කියන්ටත් බෑ.. 
උදේ පාන්දර මටත් පැයකට හමාරකට කලිං නැගිටගෙන මේ මනුස්සයා අපේ ඕනෑ එපාකම් හැම එකක්ම හොයලා බලනවනේ..

හ්ම්.. ඒ අතින් නං අඩුවක් නෑ..

එහෙනං මොකක්ද එයාගෙ තියෙන අඩුපාඩුව..?

අන්න ආයෙමත් අර හිතන්න පුළුවං හිතෙන් ප්‍රශ්නයක්..

අඩුපාඩුව..? අඩුවක් නං නෑ.. වැඩියක් මිසක..

හෑ..

මං කිවුවෙ එයාගෙ කට ගැන..

කට කට..!

කට පොඩ්ඩක් අඩු වුණ නම්, මොලෙ පොඩ්ඩක් වැඩි වුණ නම්,
මගෙ ගෑණිගෙ වටිනාකම කියල වැඩක් නෑ..


ඒක තමයි අදට ගැලපෙන සිංදුව..
ඔවු ඒක ඇත්ත..

අන්තිමේ ... හිත් දෙකම එකම මතයකට ආවා..

මෘදුකාංග (Software) - 2

මෘදුකාංග  ගැන කලිං ලිපිය නවත්තපු තැනිං අද පටං ගන්නං..

අපේ රටෙත් බහුතරයක් ව්‍යාපාර කරන උදවිය එයාලගෙ ඔෆිස් වල විවිධ වර්ගයේ මෘදුකාංග පාවිච්චි කරනවා.. වින්ඩෝස් මෙහෙයුම් පද්ධති තමයි ලංකාවෙ බහුලව භාවිත වෙන්නේ.. ඉතිං ඒත් එක්ක MSWord, MSExcel, MSPowerPoint කියන Applications නිතරම භාවිත වෙනවා.. එයිනුත් කාර්‍යාල වල වැඩියෙන්ම භාවිත වෙන්නෙ මං ඔය කලිං කියපු Applications වර්ග දෙක. ලියුං කියුං රාජකාරි වලට MSWord සහ දත්ත වලට පොඩි පොඩි සෙල්ලම් දාන්ට.. ඒ කියන්නෙ පොඩි පොඩි Calculations කරගන්ට, වගේම පොඩි පොඩි Reports හදාගන්ට MSExcel යොදාගන්නවා. MSExcel වල තියෙන  Functions  එහෙම යොදාගෙන සැළකිය යුතු වැඩක් කොරගන්ට පුළුවං. හැබැයි ඉතිං MSExcel වල දාන්ට පුළුවං සෙල්ලං වලත් සීමාවක් තියෙනවනේ.. ඊට වැඩිය වැඩේ බරපතල වෙනකොට අපිට පුළුවං MSOffice එක්කම සම්බන්ධ වෙලා තියෙන Office Applications Developments එහෙම නැත්නං Visual Basic for Applications(VBA)  කොටිංම කියනවා නං Macro Programming වලිං තව ටිකක් ඉස්සරහට යන්ට. Calculations වලට වගේම දත්ත ටිකක් අනුසාරයෙන් Reports හදන වැඩේටත් මේ Macro Programming හරි ප්‍රයෝජනවත්. ඒත් ඉතිං මේ වැඩේ කොරන්ට ඒ ගැන දැනුමක් තියෙන Programmer කෙනෙක් ඉන්ට ඕන.

මේ සීමාවත් ඉක්මවලා ගිහාම තමයි අපට ඔය ඒ ඒ විෂයට ගැලපෙන්ට හදාපු Applications Software මුණගැහෙන්නෙ. එතනදීත් ඒවායේ Implementation Method එක අනුව අපි Customization Software, Partially customized Software  සහ Standard Software කියලා බෙදාගන්නවා.

Customization Software කියන්නේ.. Client ගේ ප්‍රශ්නය හරි හැටි Analyze කරලා, Client ට අවශ්‍ය විදිහටම Design එක කරලා අලුතින්ම හදන Software .. මෙහෙම එකක් කොරන්ට ලොකු කාලයක් හා ශ්‍රමයක් යන හින්දා ගාන ටිකක් සැරයි.. ලංකාවෙ මෙහෙම Project එකක් සාර්ථක වීමේ ප්‍රවණතාවය ටිකක් අඩුයි.. මොකද හුඟක් අය එක්කෝ මුදල් වියදම් කරන්ට අකැමතියි.. එහෙම මුදල් වියදම් කරන්ට කැමති අය, බලන්නේ Marketing කට්ටියගේ ස්වභාවය මිසක.. System Analyzer ගේ හරි Software Engineer ගේ හැකියාව නෙවෙයි. නමුත් ඉතාම වැදගත් වෙන්නෙත් මෙයයි.. ඉතාම සරල සහ විශ්ලේෂිත Proposal එකක් හරහා Solution එක ගැන එකඟතාවයකට පැමිණීම ඉතා වැදගත්..  මේ සඳහා වැය කළ යුතු කාලය හා ශ්‍රමය Solution එකේ Budget එකත් එක්ක ගැලපෙනවද කියන ප්‍රශ්නය ලංකාවෙ Clients ලත් එක්ක වැඩ කරද්දී අනිවාර්‍යයෙන් එනවා.. Training සහ Implementation වලදීත් හොඳ දක්ෂයෙක් සම්බන්ධ නොවුනොත් ආයෙත් Solution එක Fail  වෙන්න ලොකු ඉඩක් තියෙනවා.. ඉතිං අන්තිමට නටපු නැටුමකුත් නෑ බෙරේ පලුවකුත් නෑ කියලා තමයි කියන්ට වෙන්නේ..

Partially customized Software කියලා කිවුවේ..  මූලික Solution එක Client ගේ අවශ්‍යතාවයට අනුව වෙනස් කරලා දෙන එක.. මේක සාපේක්ෂව මිළ අඩු ක්‍රමයක්.. මොකද මෙතනදී වැඩි දියුණු කරන්නෙ නැතිනම් වෙනස් කරන්නෙ දැනට තියෙන Software එකක්. මෙතැනදීත් Software Engineer ගේ රාජකාරිය වගේම Training සහ Implementation  කරන කෙනාගේ රාජකාරියත් ඉතාම වටිනවා.. 

Standard Software කියන එක ඊට වඩා ටිකක් වෙනස් එහෙත් මිලෙන් අඩු ක්‍රමයක්.. මේක තමයි අද කාලෙට හොඳටම ගැලපෙන්නෙ කියන එකයි මගේ අදහස.. කොයි කාටත් තියෙන අවශ්‍යතාවයක් වෙනුවෙන් නිර්මාණය කරන මේ වගේ Software එකක තියෙන විශේෂ ලක්ෂණය තමයි Client ගේ අවශ්‍යතාවය පරිදි වෙනස් කරගන්ට Implement  කරන කෙනාට තියෙන ඉඩ කඩ තුළින් මතුවන නම්‍යශීලීත්වය. නම්‍යශීලී මෘදුකාංගයකින් අප මුලින්ම කතා කළ Customization Software එකකින් ගත හැකි ප්‍රයෝජනය ඊට වඩා කිහිප ගුණයකින් අඩු මුදලකට ලබා ගත හැකියි.. මෙතැනදී ඉතාම වැදගත් වෙන්නේ  Training සහ Implementation  කරන කෙනාගේ රාජකාරියයි.

ඉහත ක්‍රම වලින් කවරක් යටතේ ගනුදෙනු ව සිදු වුණත්, Client ගේ පැත්තෙන් Software Provider ට ලබාදෙන සහයෝගයත් ඉතා වැදගත්. විශේෂයෙන් දෙපිරිස අතර සුහදතාවය පැවතීම සඳහා තම යුතුකම් හා වගකීම් පිළිබඳ අවබෝධයෙන් කටයුතු කිරීම දෙපාර්ශවයේම වගකීමක්.. 


ප.ලි.
අපේ ආයතනයත් ඉතිං දැං අවුරුදු 3ක විතර ඉඳං ඔය Applications Software Solutions Provider කෙනෙක් විදිහට තමයි කටයුතු කරන්නෙ.. මට කරන උදවුවක් විදිහට ඔයාලා දන්න කියන ආයතනයකට Payroll එකක්,  Stock Control Software එකක් වගේ මොකක්ම හරි Software Solution එකක් අවශ්‍ය නම්.. පොඩියක් මට ඔත්තුව දෙන්ට.. අපි ඉතිං Perfect  එකට ම Software Solution එක දෙනවා.. ආයේ ඒකෙ දෙකක් නෑ..හොඳේ..

Wife solves everything!බිරිඳ සියළු පැන විසඳයි!

මිතුරෙකු සිටී මට හරි ....................සිරියාවන්ත
ගැටළුය ඔහුට නිතරම සැමටම ................අන්ත

එනමුත් සිනාසී විලසින් ...................ගුණවන්ත

හැමවිට හිඳී වීලා .........................ඉවසිලිවන්ත

කුකුසට මගේ පිළිතුරු ඔහු ............ගලපන්නා

පිංතූරයක් සැණෙකින් එළියට ............එන්නා

මේ මගෙ බිරිඳ යැයි හිනැහී ............පවසන්නා

මෙය බැලු සැනින් කරදර අමතක .......වන්නා

බැඳලා වසර දහයක් පහළොවක් .............වන

දෙදෙනගෙ පුදුම පෙම.. සතුටකි සිතට .....එන

තව තව විමසුවෙමි ඒ කෙම් ක්‍රමය .........ගැන

පුදුමෙකි ලැබුණු පිළිතුර මිත සිනහ .........යන

රූපය බලා බිරිඳව මම මතක් .................කර

සුන්දර වදන් ඇගෙ මහදට ඇතුළු ...........කර

පාළොස් වසක් විඳි දුක් කඳ මෙනෙහි .....කර
මේවත් කරදරද සිතමින් ගනිමි ..............වැර..!

බැරිදා විග්‍රහය! දිනෙන් දින ඉහල යන ජීවන වියදම

ගානක් හදන්ට තේරෙන කාලෙ ඉඳං නියතව සිද්ධ වුණු එකම දේ තමයි.. බඩු මිළ     ජීවන වියදම ඉහලට ගිය එක.. ඒක එහෙම වුණේ අපේ රටේ පාලකයින්ගේ වරදින් විතරක්ය කියලා කවුරු හරි කියනවා නං ඒක පට්ටපල් බොරුවක්.. අද තරංම නොවුනත් රටට ආදරයක් තියෙන මහත්-හොරු  අපේ රට සුද්දගෙන් පස්සෙ පාලනය කළා කියන එක කවුරුත් පිළිගන්නවා ඇතිනේ..

මං මගෙ ජීවිතේ පුරා දුකක් කියලා දැනෙන්ට දෙයක් විඳලා නැති වුණාට.. කටු මැටි ගෙවල් වල, ලෑලි ගහපු ගෙවල් වල, ටයිල් කරපු ගෙවල් වල, සිමෙන්ති දාපු ගෙවල් වල, කපරාරු නොකරපු ගෙවල් වල, තමන්ගෙ ගෙවල් වල, අනුන්ගේ ගෙවල් වල, ඇඳන් වල වගේම බිමත් බොහොම සන්තෝසෙන් නිදාගෙන තියෙන කෙනෙක් විදිහට මං දන්නවා.. ජීවත් වෙන එක අමාරුයි.. කවුරු කොහොම කිවුවත් ඒක අමාරුයි.. ඒත් මං අහලා තියෙන විදිහට ජීවත් වෙන එක අමාරුයි කියලා දිවි නහගන්න අයට නිරයට ගිහිං ගෙවන්ට වෙන්නේ මීට වඩා දහස් ගුණයක් අමාරු ජීවිත.. අපේ ජීවිත වලට සහනයෙන් ජීවත් වෙන්ට බැරි වෙන්ට ලොකුම හේතුවක් විදිහට මට පේන්නෙ මේ තාක්ෂණික දියුණුව කියන සංකල්පය කියලා මට හිතෙනවා.. දැං බලන්ටකෝ අපේ අත්තලා, මුත්තලා.. හේනකට, කුඹුරකට බැහැලා.. ගොවිතැනක් බතක් කොරගෙන අපූරුවට ජීවත් වුණා.. උන්දැලාට ඉහෙන් බහින ලෙඩක් තිබුණෙත් නෑ ලු නෙව.. ලොකු ලෙඩක් හැදුණොත් ඉතිං සෙත්ත පෝච්චි වෙලා යනවා ඇති වැඩිය දුක් විඳින්නේ නැතුව.. ඒත් මං හිතන්නේ නං... ඒ කාලෙත් අපේ කාලේ විදිහට නොවුනට ඔය ජීවන අර්බුදය තියෙන්ට ඇති..

එක අතකට තාක්ෂණයයි, අධි වේගයයි එක්ක සංකීර්ණ වෙච්ච මේ අලුත් ලෝකයෙ දුක ඒ කාලෙ තිබුණ දුකට වඩා අඩුත් ඇති.. අපට මතකයි අපි පොඩි කාලේ තිබුණු සුන්දරත්වය.. අපේ අප්පච්චිලා ඒ කාලෙ කියන්නෙ .. අපි වින්ද නිදහසින් අබ මල් රේණුවක තරම් මුන්ට තියෙනවයෑ.. කියලයි.. දැං අපි කියන්නෙත් ඒ ටික ම නේ.. නළුවො ටිකයි, ආම්පන්න ටිකකුයි වෙනස් වෙලා වුණාට චිත්‍රපටිය වෙනස් වෙලා නෑ.. මං කියන්නෙ බොරුද?

ආයෙ මාතෘකාවට ආවොත්.. ජීවන වියදම ඉහල යනවා තමයි.. මේ නාස්තිය පොඩ්ඩක් අඩු කර ගන්න පුළුවන්නම්.. අපට බැරි වෙයි ද.. මීට වැඩිය පොඩ්ඩක් වේගෙන්.. නැතිනම් පොඩ්ඩක් ජවයක් ඇතුව අපේ ගමන යන්ට..

ඔයාලා දන්නවනේ අපේ මෘදුකාංග ව්‍යාපාරයක් තියෙනවා කියලා.. ඉතිං ඒකෙදි ලැබුණු අත්දැකීමක් මං කියන්නං.. අපි වැඩ කරන කාලයෙන් 30% කට වඩා යන්නෙ.. අපේ ඇතැම් Customers ලා අපට කරන හොර බොරු ටික Handle කරන්න.. මේ මිනිස්සු මීට වඩා අවංක වුණා නම්.. අපේ කාලය කොච්චර ඉතුරු වෙයි ද?  ඒ කාලය මීට වඩා ප්‍රයෝජනවත් දෙයකට යොදන්න තිබුණනේ..

මේ ආණ්ඩුව අසමත් ආණ්ඩුවක්.. ආයෙ ඒකෙ දෙකක් නෑ.. ඒත් ඒ ගැන කතා කරලා වැඩක් වෙයිද? ලයිට් බිල් වැඩි වෙයි, පෙට්‍රල් වැඩි වෙයි, ඩීසල් මිළ වැඩි වෙයි, එලවළු මිළ වැඩි වෙයි, අනෙක් ආහාර පාන මිළ වැඩි වෙයි..අපව තමයි මේකෙන් පෑගෙන්නෙ.. ඇත්ත..! ඒත් එහෙම පෑගෙන්නෙ නැතුව.. නැගිටින්න ක්‍රමයක් හොයා ගන්න ඕනත් අපිම නෙවෙයිද? කාවවත් රවට්ටලා, කාටවත් පාඩුවක් කරලා නෙවෙයි.. තම තමන් ගේ ජීවන රටාව ධාර්මික කරගත්තොත් මට විශ්වාසයි අපේ රටේ නාස්තිය 40% විතර අඩු කරන්න පුළුවන් වෙයි කියලා..

මං එෆ්. බී එකේ දැක්කා.. බුදු දහම වෙනුවෙන් පණ දෙන්ට ඉන්න සිංහල බෞද්ධයා.. ඒ වෙනුවෙන් නොකරන එකම දේ.. ශ්‍රී සද්ධර්මය පිළිපැදීම විතරයි කියලා.. මේක 80%කට වත් සත්‍යයි කියලා මං හිතනවා..

ජීවන වියදම අඩු කරන්ට තව ක්‍රම තියෙනවා.. ඒත් මං හිතන්නේ මේක ගැන හැමෝම හිතන්ට වටිනවා කියලා..

මේ කට මගේ නෙවෙයි..

වෙනදා නැති සැහැල්ලුවකින් නිවසට ගොඩවුණු සිරිමෙවන් දැක නන්දාට ඇති වූයේ කුකුසකි..
අද වැඩට ගියේ නැද්ද? 
ඇය ඇසුවේ එතරම් අහිංසක ස්වරයකින් නොවේ..
නෑ වැඩට තමයි ගියේ.. 
සිරිමෙවන්ගේ ස්වරයද ඉතා සන්සුන්ය.. සිරිමෙවන්ගේ සන්සුන් කම නන්දාව නොසන්සුන් කළ බවක් පෙනුණි..
බොරු කියන්ට එපා.. ඇත්ත කියනවා.. ! 
එය තරවටු ස්වරයකි..
හ්ම්.. ඇත්තම තමයි.. අද අපේ ඔෆීසියේ උපදේශන වැඩසටහනක් තිබුණා..සිරිමෙවන් තවත් සන්සුන් වෙමින් ආලින්දයේ පුටුවකට බර දුන්නේ මඳ සිනාවක් ද සහිතවය..
"එහෙනම් පවුල් ජීවිතේට වැදගත් උපදෙස් ටිකක් දෙන්ට ඇති..ඒකයි මේ සන්සුන් කම.." නන්දාට දැනුණේ සහනයකි..
ඉතිං මොනවද කිවුවේ..? 
ඇයට ඉවසුම් නැත..
අපේ ජීවිත වල තියෙන නිස්සාර කම තමයි.. අපි මේ පංචස්කන්ධයක් කර ගහගෙන දුවන ගමන් කරන මෝඩ වැඩ ගැන තමයි.. 
ඒ කිවුවෙ..?
අපි රූප දකිනවා.. ඒ රූප වලට ඇලෙනවා.. නැතිනම් ඒවත් එක්ක ගැටෙනවා.. ඒත් රූප දකින ඇහැ අපේ නෙවෙයි..එහෙනම් ඒ ඇහින් දකින රූප එක්ක අපි මොකට ගැටෙනවද?  මොකට ඇලෙනවද?
මේ මොන මගුලක්ද අප්පා මේ මිනිහා කියන්නේ..!  මට අංගොඩ එක්ක යන්න වෙයි වගේ.. රතුකට්ට පැන්න නන්දාගේ මුවින් එවැන්නක් පිටවීම ගැන කිසිදු කලබලයක් සිරිමෙවන්ගේ මුහුණින් දිස් නොවිනි..
අපිට සද්ද ඇහෙනවා.. ඒ සද්ද එක්ක අපි ඇලෙනවා.. ගැටෙනවා.. ඒත් මේ සද්ද ඇහෙන කණ අපේ නෙවෙයි.. අපේ නොවන කණකින් ඇහෙන සද්ද එක්ක අපි මොකට ගැටෙනවද?
නන්දාගේ වදන් වලින් හිත පාරවා නොගන්නටත් එක්ක ඔහු මෙනෙහි කරමින්ම තෙපලේය..

තමුසෙ එහෙනම් මහණ වෙනවා.. තමුසෙ වගේ පිම්පියෙක් එක්ක එන්ට එපා කියලා අම්මලා කියද්දි මම ආවේ.. තමුසෙගෙ බොරු වලට රැවටිලා.. මාව නුවර එක්ක යන්නම් කිවුවා.. නුවර එළියෙ එක්කයන්නම් කිවුවා.. අවුරුද්දට සැරයක් ට්‍රිප් එකක් යමු කිවුවා.. ළමයි හදමු කිවුවා.. කෝ එකක්වත් කළාද?
ඇය තම සිතේ මෙතුවක් තෙරපී තිබූ ආවේගය දෝරේ ගලා යන්නට දී මුව විවර කරද්දී කඳුළක් දෙකොපුල්  දිගේ ඇදුණි..

අපේ කටින් එක එක වචන පිටවෙනවා.. ඒත් මේ කට අපේ නෙවෙයි.. ඒ පිටවෙන වචනත් එක්ක අපි ඇලෙන්නේ ගැටෙන්නේ මොකටද?
එසේ කිවූ සිරිමෙවන් තමාට නන්දාගෙන් ගැලවීමක් තිබේදැයි හරිහැටි නොදැනම.. එහෙත් සන්සුන් ඉරියවුවෙන්ම තමන් ගේ කාමරයට ගියේ ඇඳුම් අහවර කර උදයේ ඉගෙන ගත් භාවනාව පුරුදු කළ යුතුයැයි සිතමිනි..
ඇයි තුන්දොර සංවර කරගන්න ඕනි කියලා දන්නෙ නැද්ද..? 

නන්දා කෑ ගැසුවත්.. එය සිරිමෙවන්ට ඇසුනේ නැත.

සිතින් දුරලමු කෙළෙස් මහමෙර!

හමුවීම් වෙන්වීම් --------------අතරේ
ජීවිතය ගමනක්ය -------------සසරේ
නෑ ඉඩක් ඒ අතර --------------පතරේ
වෙන් නොවන බැඳුමකට ------මිතුරේ

ඔබ මගේ යැයි මා ඔබේ ---------යැයි
බැඳෙමු සිතමින් අප අපේ -------යැයි
ලෝකයම මිරිඟුවක් වේ ---------යැයි
නොසිතුවෙමු අප, අප නොවේ ---යැයි

පැතුම් මල් මත මියෙන්නට -----පෙර
නෙතින් ගිණිදැල් නැඟෙන්නට -පෙර
ගතින් සවි බල මිදෙන්නට ------පෙර
සිතින් දුරලමු කෙළෙස් මහ-----මෙර

ප.ලි
ශාන්ත කුමාර විතාන හෙවත් ශකුවි කියන්නේ රටේ බොහෝ දෙනෙක් දන්න නිදහස් කවියෙක්.. එතුමාගේ නිර්මාණ වල තියෙන වැදගත්ම ලකුණ තමයි.. නිර්ව්‍යාජ බව හා හැඟීම් බර බව..  මං එතුමගෙ කවියක් දුටුවොත් කියවන්ට දෙපාරක් හිතන්නෙ නෑ...

හමුවීම් වෙන්වීම් අතරේ
ජීවිතය ගමනක්ය සසරේ
ඔබෙන් හිමිවන සතුට හෝ දුක
මිහිරිමයි මට මිහිරිමයි...

මේ එතුමා ගැන සිහිවෙද්දි මගේ මතකයට එන පළමු හා එකම කවිය.. මේක මට මතක විදිහට කාලෙකට ඉස්සර ලංකාදීපයේ තමයි තිබුණේ..
එදායින් පස්සෙ තමයි මම එතුමාගෙ කවියක් මුණගැහුනොත් දෙපාරක් හිතන්නෙ නැතිව කියවන්නෙ.. මේ පදවැල මගේ හිතට කොයිතරම් සමීප වුණාද කිවුවොත්.. මට මතක තියෙන (ගීතයක් නොවන) එකම නිසඳැසත් මේකයි.. මං ඒ ගැන මීට කලිං තැන් දෙක තුනක කිවුවා මතකයි..

අද අපේ ඔපීසියෙ විදුලි බලයට ඇණයක් හිටලා.. දවසම වැඩක් කරගන්ට බැරුව තමයි හිටියේ.. හවස 4 විතර වෙනකම් පොතක් කියව කියවා හිටියත්.. ඒ පොතත් කියවලා ඉවර වුණු නිසා කොරන්න දෙයක් නැති කමට කවියක්වත් ලියන්ට ඕන කියලා පෑනකුයි පොතකුයි අතට ගත්තා.. මතක් වුණේ මේ කවිය.. මට හිතුණා.. මේ කවියේ මුල් පද දෙක මූලික කරගෙන කවි පංතියක් ලියන්ට.. ඔය උඩිං තියෙන්නේ ඒ කවිපෙළ. බලන්ටකෝ වෙච්ච වැඩේ.. ලියලා ඉවර වෙද්දි... මුල් කවියේ තිබුණු අදහසට හාත්පසින්ම වෙනස් අදහසක් තමයි මගේ නිර්මාණයේ තියෙන්නේ.. මේක නිර්මාණ මංකොල්ලයක් විදිහට කවුරු හරි දකියි ද දන්නෙ නෑ.. අනේ මන්දා..?

මගේ ගල් හිත

ඕකගෙ හිත ගලක් වගේ.. සාළුවත් කරේ දමාගෙන ළිඳට නාන්ට යන මාව දැකපු කුමාරි අක්කා සුජාතා අක්කාට කියනවා මට හොඳට ඇහුණා.. 
ඇහෙයි බං.. සුජාතා අක්කාගේ කෙඳිරිල්ල පවා මට හොඳට ඇහුණෙ හාත්පස තිබුණු නිහඬතාවය නිසා වගේම ඒ කෙඳිරිල්ලෙ තිබුණු ජවය හින්දා.. 
ඉතිං ඇහුණ දෙං.. කුමාරි අක්කා කියා ඇත්තේ මට ම බව දැන් හොඳටම පැහැදිලියි..

මං පහුගිය කාලේ පුරාම සුරනි ට ආදරය කළා.. ඒ ආදරය අවුරුදු 10කටත් වඩා වයසයි.. සුරනිත් මට හදවතින්ම ආදරය කළා.. අපේ පවුල් වලින් පවා මේ ගැන දැනගෙන හිටියා.. මේ ඔක්කොම ඇත්ත..
ඒත්..
මං ආදරයේ බැඳුණේ.. ආදරය ගැන තේරෙන කාලෙක නෙවෙයි.. මං හිතුවේ කොල්ලෙක් උනහම කෙල්ලෙක් එක්ක යාළු වෙන්න ඕනෑ කියලා විතරයි.. මගේ යාළුවෝ හුඟකට කෙල්ලෝ හිටපු නිසා මට එහෙම හිතෙන්ට ඇති.. ඒ කෙල්ල ලස්සන වෙන තරමට, අහිංසක වෙන තරමට මට හරි ආඩම්බරයි කියලා මං හිතුවා..

ඉස්කෝලෙන් පස්සෙ කැම්පස් ගියත් මම මගේ සුරනිව අමතක කළේ නෑ..එයත් කවදාවත් මාව අමතක කළේ නෑ.. ඊට පස්සෙ රස්සාවට ගියත් ඉතිං මට සුරනිගෙන් තොර ආදරයක් නං තිබුණේ නෑ..
==============================================
අපේ ගෙවල් වලිනුත් අනුමැතිය ගත්ත හින්දා පළමු වතාවට කැළණියේ පන්සල වඳින්නට යන්නට ඕනෑ කියලා මට හිතුණා.. කවදත් ආගම දහමට ලැදි සුරනි ඊට එක හෙලා කැමති වුණ හින්දා,  පොහොයක් නොවන ඉරිදා දිනෙක අපි පන්සලට ගියේ හරි සැහැල්ලුවෙන්.. තෙරුවන් වැඳලා පන්සිල් සමාදන් වෙලා අපි එහෙට මෙහෙට ඇවිද්දේ කැළණි පුදබිම ටිකක් බලා කියා ගන්ට. වැලි මළුවේ එක පැත්තක දසසිල් මාතාවක් තවත් උපාසිකාවන් කීප දෙනෙක් එක්ක බර කතාවක්.. ධර්මය ගැන කෙරුණු ඒ කතා බහට අපිත් කැමති වුණු හින්දා ටිකක් වෙලා එතන ඉමු කියලා අපිත් වැල්ලේම ඉඳගත්තා....

අපේ හැම තීරණයක්ම ඇලීම් වලින් හා ගැටීම් වලින් තොර වෙනවා නම්.. ජීවිතය හරිම පහසුයි. අපේ ජීවිතය මේ තරම් අසීරු වෙලා තියෙන්නෙ.. අපි එක්කො දකින දකින දේට ඇලෙනවා.. නැත්නම් ඒත් එක්ක ගැටෙනවා.. 
මීට කලිං මේ කතාව කොහෙදිවත් මේ තරං පැහැදිලිව මං අහලා තිබුණේ නෑ.. සිල් මාතාව ඊට පස්සෙ කිවුවෙ මොනවද කියලා මට මතක නෑ.. ඒත් මගේ හිත නං අනෙක් වැඩ අමතක කරලා හිතන්න ගත්තා..
ඇලීම් හා ගැටීම් අපේ ජීවිත දුෂ්කර කරන බව මට තේරුණා.. මං ඊට පස්සෙ වෙනස් උනා.. වැඩිපුර පොත් පත් කියෙවුවා.. සුරනිත් මගෙත් එක්ක මේ දේවල් වලට ළඟින්ම හිටියා..

සුරනි.. මේ ආදරය කියන්නෙත් ඇලීමක්ම නේද? මං ඔයාගෙ ඇස් දෙකට, හිනාවට, ලස්සනට ඇලිලා.. ඒත් මේ ඇලීම අවසානයේ දී ගේන්නෙ දුකක්ම නේද?
ඔයා මොනවද මේ කියන්නෙ..? සුරනි වැඩිපුරම කලබල වෙලා ඉන්නවා මම දැක්කෙ එදායි.. ඒත් එයත් ටිකෙන් ටික සත්‍යය තේරුම් ගත්තා..

අපි මහණ වෙමු ද? සුරනිම දවසක් මගෙන් ඇහුවා..
අවස්ථාව එනකං ඉමු.. මේක වෙලාව නෙවෙයි.. මං එහෙම කිවුවේ.. අපි දෙන්නම මහණ උනා නම් ඒක ලොකු ප්‍රශ්නයක්.. ගැටුමක් ඇති කරන්න ඉඩ තිබුණ හන්දා.. මං මහණ වෙන්න හොඳ තැනක් හෙවුවා.. මට ඕන වුණේ මහණ වෙලා බවුන් වඩන්න.. ගමේ පන්සලේ මහණ වෙලා ඒක කරන්න බෑ නෙව..
අපේ සම්බන්දෙ නැවතිලා කියලා ටික ටික හැමෝම දැනගත්තා.. මම ඒක නැවැත්තුවා කියලයි හැමෝම හිතුවේ.. මොකද සුරනි ගෙදරම හිටපු කෙනා.. මම රස්සාවට යනවනේ.. ඉතිං මගේ මොකක් හරි වෙන පටලැවිල්ලක් කියලා කට්ටිය හිතන්න ඇති..

හැන්දෑවක සුරනි මාව මුණගැහුනා.. මට දණගහලා වැන්දා.. ඇස් දෙකේ කඳුළු පිරිලා තිබුණත් ඇඬුවේ නෑ.. සමීර අයියේ.. මම අපේ ගෙදර එකම දරුවා.. දන්නවනේ අම්මලාගෙ බලාපොරොත්තු.. මට ඒවා ඔක්කොම බිඳින්න වෙනවා.. ඒ වෙන කවුරුවත් වෙනුවෙන් නෙවෙයි.. මං වෙනුවෙන්..! එහෙම කියපු සුරනි ඉක්මණින් එතැනින් ගියා..

සුරනි විතරක් නෙවෙයි මාත් දැං අපේ පවුලෙ එකම දරුවා.. අයියා හමුදාවට ගිහිං නැති වුණාට පස්සෙ.. මං තමයි අපේ ගෙදර එකම දරුවා... එයාලත් මං ගැන තියපු බලාපොරොත්තු නම් අහසටත් උඩිං.. දිගු සුසුමක් පිට කරනවා ඇරෙන්ට මට කරන්ට දෙයක් තිබුණෙ නෑ..

පහුවදා ආරංචි වුණා සුරනි ගෙදරින් ගිහිං කියලා.. මං දන්නවා සුරනි ජීවිතයට කරදරයක් කරගන්නේ නෑ කියලා.. තෙරුවන්ගේ සත්‍ය බලයෙන් සුරනිව ආරක්ෂා කරන්ට කියලා මං පැතුවා..

පුදුමයක් නෑ.. සුරනි ගිහිං තියෙන්නෙ ආරාමෙකට.. මට ඒක ආරංචි වුණ මොහොතේ මං හිතුවා.. එයා මහණ වෙනකං මම එහෙ නොයා ඉන්නවා කියලා.. නැත්නම් එයාට මාව බාධාවක් වෙන්න පුළුවන්..

==============================================
මගෙ හිත ඇත්තටම ගල් හිතක් ද? සිද්ධ වෙන දේත් එක්ක ඇලෙන්නෙ ගැටෙන්නෙ නැතිව.. අවබෝධයෙන් දැකීම හිත ගල් කර ගැනීමක්ද? වෙන මිනිස්සු අඬන හැපෙන දේට.. ඇඬීමේ තේරුමක් නෑ කියලා වටහාගෙන නාඬා ඉන්න එක අමනුස්ස කමක් ද? පුදුමයි..!
මගේ ගල් හිතෙන් ප්‍රයෝජනයක් ගන්න දැං නම් වෙලාව ඇවිත් වගේ..
ආයෙමත් සුසුමක් හෙළමින් මං අන්තිම වතුර එක ඔළුවට දාගත්තා..

ගමේ අලුත් කඩේ..!

සොපි අක්කා ගමේ කා එක්කත් හිතවත් ගමේ ගැහැණියකි.. ගම් තුලානේ පාං කඩ, සිල්ලර කඩ, තොග කඩ වගේ කඩ තිබුණත්.. හවහට ආප්පයක් කාලා තේ ඩිංගක් බොන්ට හරි හමං කඩයක් නැති බව ගමේ කාටත් වගේම සොපි අක්කාටත් දැනුණි.. සොපි අක්කා දන්න අඳුරන කීප දෙනෙක්වත් එක්කාසු කොරාන.. වැඩේට බැස්සේ ලාභය ගැන හිතලා නොවේ.. ගමේ කොලු කුරුට්ටන්ට සිදාදියට යන්නෙ නැතුව හවහට එක්කහු වෙන්ට තැනක් තිබුණොත් වෙන්ට යන නස්පැත්ති බොහොමයක් වළක්කගන්ට ඇහැක් වෙයි කියලා හිතාගෙනය..

හැලප, ආප්ප, වඩේ, මුංගුලි, අලුවා වගේ රස කැවිලි පිරුණු සොපි අක්කගෙ කඩේ වටේ සෙනඟ පිරෙන්ට වැඩි කළක් ගියේ නැත.. එතරම් ලාභයක් නැතත්.. අල්ලාප සල්ලාපයෙන් විනෝදයෙන් ගලාගෙන යන මේ කඩ පොඩ්ඩට පියසේන මහත්තයාත් ඉඳහිට ගොඩ වී තේකක් බීලා ගියේය.. රතු අක්කාගේ පුතු සෝමේ සොපි අක්කාගේ ආප්ප තළු මර මර කයි.. මේක දැන් ගමේ සමාජයක් වගේය..

මේ විදිහෙ තේ කඩයක් දාන එකනම් නියම වැඩක් කියලා හිතපු රතු අක්කා තමාත් තේ කඩයක් දාන්ට යන බව සෝමෙට කීවේ.. ඔහුගෙන් උපකාරයක් බලාපොරොත්තුවෙනි.. ඔහු කීවේ දැන්ම අම්මා කඩයක් දාන එක සුදුසු නැති බවයි.. එහෙත් සෝමේ.. හෙමීට කඩේ ඉන්න එකා දෙන්නා එක්ක සොපි අක්කගෙ අඩුපාඩු කතා කළේ පොටක් පාදා ගන්ට හිතාගෙනය..

මේ ගෑනි තේ හදන ගමන් රෙද්දෙ අත පිහිනවා.. කිසි පිරිසිදු කමක් නෑ..
බලපල්ලකො අලුත ගෙනා බොයිලේරුව.. අපේ සල්ලි තමයි මේ..
ඉස්සර නම් මල්ලියේ කියලා එනකොට අඬගහලා ගන්නෙ.. දැන්.. සත පහකට මායිං කරන්නෙ නෑ...

ඔය විදිහට අවලාද එකින් එක එකතු වෙද්දී.. සොපි අක්කාගෙත් හිත ටික ටික පෑරුණි.. ඇයි බං උඹලට දැං මගෙ වැරදිමද පේන්නෙ..? මෙතන හරි නැත්තං ටවුමට ගිහිං තේ බීපං මොකෝ අපි බලෙං උඹලට එන්න කිවුවය..? සොපි අක්කා කට වරද්ද ගත්තාය..

අම්මෙ.. දැං තමයි වෙලාව.. කඩේ දාමු.. සෝමෙ යෝජනා කළේ තමාගේ කූඨ බුද්ධිය ගැන ආඩම්බරයෙනි..

රතු අක්කගෙ කඩේ සොපි අක්කගෙ කඩේ ට වඩා ඒ හැටි වෙනසක් තිබුණේ නැත.. වෙනසකට තිබුණේ.. ප්‍රයිඩ් රයිස්, කොත්තු වගේ දේවල් ද එකතු වී තිබීමය..

ගමේ පිළිගත් අය වූ.. පියසේන මහත්තයාත් සුනිල් මහත්තයාත් තව කීප දෙනෙකුත් රතු අක්කගෙ ප්‍රයිඩ් රයිස් කඩේට ගියේ නැත.. ඒත් සොපි අක්කගෙ කඩේට ආපු කොටසකුත්.. තවත් ප්‍රයිඩ් රයිස් කන්ට ආසා කොටසකුත් නිසා රතු අක්කාගේ කඩේ ද සරු විය.. සමහරු මේ කඩ දෙකටම එක වගේ ගොස් දෙගොල්ලන්ගෙම හොඳ හිත තියා ගත්තෝය..

හිටපු ගමං සුනිල් මහත්තයා ද තමන්ගේ කට්ටියක් ද එක්කහු කරගෙන තේ කඩයක් දැම්මේය.. මෙය නං බැලූ බැල්මට සොපි අක්කාගේ කඩේ වගේමය.. වෙනසකට තිබුණේ වැඩ කරන්ට හිටපු කට්ටිය සොපි අක්කගේ කට්ටියට වඩා ටිකක් උනන්දු ගතියක් පෙන්වීම පමණි.. පියසේන මහත්තයා කිවුවේ.. මේක සම්පූර්ණයෙන් වැරදි වැඩක් කියලාය.. අපි නම් කරන්නෙ මේ කඩේ තවත් හොඳට කරන්න උදවු කරන එක මිසක්ක.. තවත් ඒ ජාතියම කඩයක් දාන එක නෙවේය කියලා ඔහු කීවේය.. ඒත් සුනිල් මහත්තයා කිවුවේ.. මං පිටගං කාරයා.. ගමේ දිත් මං කළේ තේ කඩයක්.. ඉතිං මට හිතුණා තේ කඩයක් කරන්න කියලාය..

ඔන්න ඔය විදිහට දැං තේ කඩ දෙකයි.. ප්‍රයිඩ් රයිස් කඩයයි නැගලා යයි..ඔය අතරේ.. සොපි අක්කගෙ කඩේටයි.. සුනිල් මහත්තයගෙ කඩේටයි හොරු පනියි.. හොරු අල්ලන්න රතු අක්කා ද උදවු කිරීම නිසා මෙයාලා අතර තිබුණු හිත් නොහොඳකම ටිකක් අඩු වෙයි..

මේ අතරෙ තමයි පියසේන මහත්තයා පොඩි උස්සවයක් සංවිධානය කොරන්නෙ.. එයා ඒක සංවිධානය කොරන්නෙ සොපි අක්කලත් එක්ක.. වැඩේ ලස්සනට යන අතර සොපි අක්කත්.. පියසේන මහත්තයත් අතර උත්සවය සංවිධානය කිරීමේ දී සුළු සුළු ගැටළු ඇති වෙයි..

මං මොකට ද එක එකාගෙ කඩ ගානෙ රිංගන්නේ.. මාත් දාගන්නවා හොඳ තේ කඩයක්.. එහෙම හිතපු පියසේන මහත්තයා සොපි අක්කගේ කඩය වගේම තවත් කඩයක් දායි.. මේ කඩේට එන්නෙත් අර කඩ තුනට යන එන අයම තමයි.. ඒත් මේක දැං ගමේ අලුත් කඩේ ය.

තව තවත් තේ කඩ බිහිවනු ඇත.. ඒ නිසා ගමේ ගැටවු දැං සිදාදි යන්නේ නැත.. ගංජා ගහන්නේ කුඩු ගහන්නේ නැත.. ඒ ලබා දුන් ආරම්භයටවත්.. සොපි අක්කාට අපේ ප්‍රණාමය හිමි විය යුතු නොවේද?

ලංකාවේ තියෙන්නේ ජාතිවාදය ද?

අපේ බුදුහාමුදුරුවෝ දේශනා කළේ සම මෙත පතුරවන්ට කියාය.. ඉතිං කියන එක අහපු අපි කොයිකාටත් සම මෙත පැතිරවූයෙමු.. එම සම මෙතෙහි ආනුභාවයෙන් අපට අපගේ බොහෝ බෞද්ධ උරුමයන් අහිමි වුණු බැවු සැබෑවකි.. එහෙත් එයින් මහා ලොකු පාඩුවක් සිදු වුණේ ද නැත.. නාමික බෞද්ධයින් ගණන අඩු වන්නට ඇත.. එහෙත් වත්මනෙහි ඇති ආගමික පිබිදීමත් සමඟ බුද්ධියෙන් ආගම සමඟ ගනුදෙනු කරන බෞද්ධයින් ගණන වැඩි ඇතැයි මට සිතේ.. 

පසුගිය දශක තුනකට අධික කාලය තුළ පබාකරන් ගේ පිරිවර සමඟ තිබුණු යුද්ධය ඇසුරු කරගෙන රටක්, ශ්‍රීලාංකීය ජාතියක් වශයෙන් අප බෙහෙවින් පසු පසට ගියෙමු. එම කුරිරු ත්‍රස්තවාදී සංවිධානය අවියෙන්ම මර්ධනය කොට අප ජයක් ලැබුවා යැයි උදම් වීමු.. එක අතකට එසේ උදම් වීමේ සාධාරණයක් තිබේ.. එහෙත් එයද මිරිඟුවේ තවත් ස්වරූපයක් බැවු අවබෝධ කරගන්නට තරම් ශක්තියක් අපට තිබුණේ නැත.. 

කැමැත්තෙන් මෙන්ම අකැමැත්තෙන් අපේ රටේ ශ්‍රම බලකායෙන් සැළකිය යුතු පිරිසක් අපට අහිමිව ගොස් තිබුණ ද.. ඉතිරිව සිටි ශ්‍රම බලකායට ද කරන්නට ඒ තරම් වැඩක් නොතිබූ බව පශ්චාත් යුධ වාතාවරණය සැලකීමේ දී පෙනේ.. දේශපාලකයින් වඩාත් නිර්භීතව ජනතා දේපල මංකොල්ලයෙහි, ජනතා ස්වාධිපත්‍යය මංකොල්ලයෙහි, මාධ්‍යය නිදහස මංකොල්ලයෙහි හා ජනතාව ගොනාට ඇන්දවීමෙහි නිරත වීම.. කොටි ත්‍රස්තවාදය තරම්ම ම්ලේඡ්ඡ බව මගේ අදහසයි... වෙනසකට තිබුණේ.. කට පියාගෙන හිටියොත් පණ බේරගන්ට වැඩි අවස්ථාවක් හිමි වීම පමණි..

මේ කාලය ශ්‍රී ලාංකීය ජාතිය වශයෙන් මෙන්ම සිංහල ජාතිය වශයෙන් ද වත්මනෙහි ඉහත කී දේශපාලන ම්ලේඡ්ච කමට අමතරව අප මුහුණ දෙන බරපතලම ගැටළුව යළිත් හිස ඔසවන ජාතිවාදී අරගලයන්ය.. හාමුදුරුවෝ සිතන්නේ හෙළ බොදු සංස්කෘතියට අයත් පුරා වස්තු රැක ගැනීමට පෙරමුණ ගත යුත්තේ හාමුදුරුවන්ය කියලාය.. එහෙත් මට නම් හිතෙන්නේ එය කළ යුත්තේ ආණ්ඩුව විසින් බවයි.. විශේෂයෙන් හෙළ උරුමය පාර්ශවකරුවෙකු වන ආණ්ඩුවකින් එවැන්නක් බලාපොරොත්තු වීමේ අයිතියක් අපට තිබේ.. එහෙත් ආණ්ඩුව එම බලාපොරොත්තුව අමු අමුවේ විනාශ කර දමයි.. ආණ්ඩුවට බැරි නම්.. ඒ සඳහා පෙරමුණ ගත යුත්තේ සිංහල ගිහියන්ය.. හාමුදුරුවෝ එළියට බැහැලා සටන් පාඨ කියන එක අපේ බෞද්ධ කමට තරම් නොවේ.. අනෙක් අතට අප කළ යුත්තේ වෛරී නොවන දැනුවත් කිරීම්ය.. සිංහල ජාතියට, බෞද්ධ ආගමට බරපතල ගැටළුවක් රට තුළ තිබේ... එහෙත් පැතිර යන්නේ වෛරයයි, ද්වේශයයි, ක්‍රෝධයයි.. බෞද්ධ ඉගැන්වීම් ගැන යම් අවබෝධයක් ඇති.. එහෙත් මුසල්මානුවන්ගෙන් සිංහල - බෞද්ධ උරුමයන්ට ඇති තර්ජනය ගැන හරි අවබෝධයක් නැති උදවිය සිතන්නේ හෙළ - බොදුවන් ජාති වාදීන් කියාය.. 

මුසල්මානුවෙකු වෙනුවෙන් ලේ බිඳක් දන් දෙන්න අප තවමත් කාරුණිකය.. මෛත්‍රී සහගතය.. මුස්ලිම් ගැබිණි මාතාවකට බසයක ආසනයක් පිරි නැමීමට තරම් අප කාරුණිකය.. එහෙත් අප ජාතිය හා ආගම ගිලගන්නට හදද්දීත් නිහඬව බලා හිඳීම තුළින් උපේක්ෂාව වැඩීම අපේ මතු පරපුරට කරන අසාධාරණයක් නොවන්නේද? 

සංඝ පීතෘ වරුණි .. බුදුන් දෙසූ දහමින්ම අප පෝෂණය කරන සේක්වා..
සිංහල බෞද්ධ උපාසක - උපාසිකාවනි... බොදු උරුමයන් නොවැනසෙන්නට ගතහැකි පියවරයන් ගනිමින්ද, අරි අටැඟි මඟෙහි සරමින් තමාගේ ආධ්‍යාත්මික දියුණුව සලසා ගනිමින් ද සිංහල බෞද්ධයා මේ යැයි ලොවට උදාරම්ව පවසන්නට හැකි අයුරින් වෙසෙත්වා..
සියළු අබෞද්ධ ලක්වැසියනි - තම තමාගේ ආගම් වල ඇති හොඳ නරක හඳුනාගෙන අනෙකාට කරදරයක් නොවන සේ වෙසෙන්නට උත්සාහ ගනිත්වා..

ප.ලි.
මම බෞද්ධ පුදබිම් ආක්‍රමණය, ලංකාවටම හලාල් භාණ්ඩ කැවීමට උත්සාහ කිරීම, කිලෝමීටර් ගානක් ඈතට ඇහෙන ලෙස ආගමික ප්‍රලාප මහ හඬින් කියා බලෙන් අපට ඇස්සවීම ආදී අපගේ මූලික නිදහස නැතිකරවන සුළු දෑට විරුද්ධ නිසා ෆේස් බුක් තුළ හා ඉන් පිටත ඒවාට විරුද්ධව සටන් වදින අයගේ දැන්වීම් ශෙයාර් කළෙමි.. මා සිටින්නේ ද ඔවුන් දරණ මතයේම යැයි එයින් අදහස් වන්නේ නැත..

කන්දට හඳ ලඟයි..?

කඳු මුදුනට දිවුවේ නුඹ 
හඳ අල්ලන්නට හිතාන
මුදුන අපට උසින් වුණත්
හඳට බෝම දුරයි..
පාත ඉඳං බැලුවම නං
කන්ද හඳට ලඟයි..

රොකට්ටුවෙන් හඳට බැහැපු
ආම්ස්ට්‍රෝං මහත්තයත්
එහෙට වෙලා ඉන්නෙ නැතිව
මෙහෙට ආවෙ කිමැයි..
හඳේ සිරිය දුරට මිසක
පුතේ ලඟට නොවෙයි..
හඳේ තැනින් තැන තියෙනා
අඳුරු වෙච්ච ආවාටය
ඈත ඉඳං බලනා කල
සා පොවුවෙක් වගෙයි..
ඒ වුණාට ලඟට ගියොත්
ආවාටය කැතයි..

කඳු පාමුල අපිත් එක්ක
හඳ බලන්න එකතු වෙයන්
ගාල කඩං දුවන්නෙපා
හැම දේ මඟ හැරෙයි..
අන්තිමේදි ඉතුරු වෙන්නෙ
කළ පිං පවු තමයි..

෴෴ලැබ යස ඉසුරු නොගිලින් පුත උගේ ඇම෴෴

ලෝකය තිබෙන්නේ අප අපගෙම අතර
කාලය ගෙවන්නෙමු මෙය නොහිතා නිතර
වේගය වැඩි වුණත් නෑ නිම මේ සසර
සාදය විඳිමු දම්, අපි අතරින් පතර

ඔබ වෙනුවෙන්ම රැක ගන්නට අපේකම
තබ තබ පුංචි පියවර හැම වෙලාවෙම
ඔබ මොබ ගියෙමි ගැහැටෙන් මැඩ විඩාවම
ලැබ යස ඉසුරු නොගිලින් පුත උගේඇම

රැක ගත යුතුය බුදු දම අද වගේ හෙට
එකටම තිබිය යුතු වෙයි මුතු වගේ රට
බක පණ්ඩිතයො කීවත් බොරු අගේ කොට
වක නැහැ කෙලින්මයි සිංහල මගේ කට

අපි විතරක් නෙවෙයි උන් ඉන්නත් ඕනා
උන් විතරක් ලෙසින් සැරසෙන්නට වානා
යහපත නොමැතිමය ලඟ පාතක පේනා
සටනට බසිමු හෙළයිනි නුවණැස මානා


ප.ලි.
උන් යනුවෙන් හඳුන්වා ඇත්තේ හෙළයින්ගේ මනුස්සකම නිවට කමක් ලෙස දකිමින්.. බොදුනුවන්ගේ ශාන්ත බව දුර්වල කමක් සේ දකිමින්.. ඔවුන්ගේ මිථ්‍යා දෘෂ්ඨික මතවාදය හරහා හෙළය ගිලගන්නට හදනා අයයි..

වරද කාගෙද?

උඹයි මායි එකම තැනින් බස් එකට නැංගා..
මම මං මගේ කෙල්ල ළඟට ගියා..
උඹ ඒ ළඟම හිටපු වෙන කවුද කෙල්ලෙක් ළඟට ගියා..
මම.. ආදරේ කරපු කෙල්ලගේ අතින් මුලින්ම ඇල්ලුවේ.. මාස එක හමාරකට පස්සේ..
උඹ එදාම දැක්කා වුණාට කාලෙක ඉඳං අඳුරනවා වගේ.. අර කෙල්ලත් එක්ක කතා කර කර ගියා..
මම.. මට කැමති වුණු මගේ කෙල්ලව.. මගේ ක්ලාස් එකට ප්‍රමාද වෙද්දි එයාගෙ ක්ලාස් එකට එක්ක ගියා..
උඹ.. උඹෙත්.. ඒ කෙල්ලගෙත් ක්ලාස් කට් කරලා... ෆිල්ම් හෝල් එකට ගියා..
මම.. මගේ කෙල්ලගේ මූණ මුලින්ම සිම්බේ.. මාස තුනකට පස්සේ..
උඹ.. ෆිල්ම් හෝල් එකේදිම කෙල්ලව ඉඳුල් කළා..
මම.. ඒ කෙල්ලගේ චරිතය හොඳින් හදාරලා.. පෑහෙන්නෙ නැති තැන් තියෙන නිසා වෙන් වුණා.. 
උඹ.. කෙල්ලගෙන් බේරෙන්න බැරි කමටම හරි.. ඒ කෙල්ලව බැඳගත්තා..මම ද වැරදි..? උඹ ද..?
මට ද වැරදුණේ..? උඹටද....?